ମୁମ୍ବାଇ,୧୩।୧୨- ଏଠାରେ ଓ୍ବେଷ୍ଟଇଣ୍ଡିଜ ବିପକ୍ଷରେ ଖେଳାଯାଇଥିବା ୩ୟ ଟି୨୦ ମ୍ୟାଚ୍ରେ ଭାରତୀୟ ଅଧିନାୟକ ବିରାଟ କୋହଲି ବିସ୍ଫୋରକ ୭୦ ରନ୍ର ଇନିଂସ ଖେଳି ଏକ ସ୍ବତନ୍ତ୍ର କ୍ଲବରେ ସାମିଲ ହୋଇଛନ୍ତି। ସେ ପ୍ରଥମ ଭାରତୀୟ ଭାବେ ଟି୨୦ କ୍ରିକେଟ୍ରେ ଘରୋଇ ମାଟିରେ ଏକ ହଜାର ରନ୍ ପୂରଣ କରିଛନ୍ତି। ଏଭଳି ସଫଳତା ପାଇବାରେ ସେ ବିଶ୍ୱର ୩ୟ କ୍ରିକେଟର। କୋହଲି ଏପର୍ଯ୍ୟନ୍ତ ଦେଶରେ ଖେଳାଯାଇଥିବା ଟି୨୦ ମ୍ୟାଚ୍ରେ ୧୦୬୪ ରନ୍ କରିସାରିଛନ୍ତି। ନିକଟ ଭବିଷ୍ୟତରେ ରୋହିତ ଶର୍ମା (୯୨୮) ଏହି କ୍ଲବରେ ସାମିଲ ହୋଇପାରନ୍ତି। ନିଜ ଦେଶରେ ଖେଳାଯାଇଥିବା ଅନ୍ତର୍ଜାତୀୟ ଟି୨୦ରେ ଏକ ହଜାରରୁ ଅଧିକ ରନ୍ କରିଥିବା ବ୍ୟାଟ୍ସମ୍ୟାନଙ୍କ ତାଲିକାରେ କୋହଲିଙ୍କ ଛଡ଼ା ନ୍ୟୁଜିଲାଣ୍ଡ ଓପନର ମାର୍ଟିନ ଗୁପ୍ଟିଲ (୧୪୩୦ ରନ) ଓ କଲିନ୍ ମୁନ୍ରୋ (୧୦୦୦) ରହିଛନ୍ତି।