ନୂଆଦିଲ୍ଲୀ,୨୧।୫:କରୋନା ମହାମାରୀ ସଂକ୍ରମଣ ସମୟରେ ଦେଶର ବିଭିନ୍ନ ରାଜ୍ୟରେ ଫସି ରହିଥିବା ଲକ୍ଷ ଲକ୍ଷ ପ୍ରବାସୀ ଶ୍ରମିକଙ୍କୁ ସେମାନଙ୍କ ଘରକୁ ପଠାଇବା ବ୍ୟବସ୍ଥା କରାଯାଇଛି। କେନ୍ଦ୍ର ସ୍ବରାଷ୍ଟ୍ର ମନ୍ତ୍ରଣାଳୟର ନିର୍ଦ୍ଦେଶ ଅନୁସାରେ ରେଳ ମନ୍ତ୍ରଣାଳୟ ବର୍ତ୍ତମାନ ସୁଦ୍ଧା ୧୬ଶହ ଶ୍ରମିକ ସ୍ବତନ୍ତ୍ର ଟ୍ରେନ ମାଧ୍ୟମରେ ବିଭିନ୍ନ ରାଜ୍ୟକୁ ପ୍ରାୟ ୨୧.୫ଲକ୍ଷ ପ୍ରବାସୀଙ୍କୁ ପଠାଇ ସାରିଛି। ବୁଧବାର ସନ୍ଧ୍ୟା ସୁଦ୍ଧା ୧୪୫୦ଟି ଟ୍ରେନ୍ ବିଭିନ୍ନ ଷ୍ଟେଶନରେ ପହଞ୍ଚତ୍ ସାରିଥିବା ବେଳେ ଅବଶିଷ୍ଟ ୧୫୦ଟି ଟ୍ରେନ ଗନ୍ତବ୍ୟସ୍ଥଳ ଅଭିମୁଖେ ବାହାରିସାରିଛି। ପ୍ରତି ଟ୍ରେନ୍ରେ ୧୨ଶହ ଜଣ ଯାତ୍ରୀ ଏବଂ ୨୪ଟି ବଗି ସହ ଯାତ୍ରା କରୁଛି। ପ୍ରତି ବଗିରେ ୭୨ସିଟ୍ ଓ ୫୪ ଜଣ ଯାତ୍ରୀ ଅଛନ୍ତି । ସରକାରଙ୍କ କୋଭିଡ୍-୧୯ କଟକଣା ଓ ନିୟମ ଅନୁସାରେ ପ୍ରବାସୀ ଶ୍ରମିକମାନେ ଯାତ୍ରା କରୁଛନ୍ତି। ଉତ୍ତର ପ୍ରଦେଶକୁ ସର୍ବାଧିକ ୯ଶହ ଟ୍ରେନ ଯାଇଥିବା ବେଳେ ଜମ୍ମୁକୁ ସର୍ବନିମ୍ନ ୨ଟି ଟ୍ରେନ୍ ଯାତ୍ରା କରିଛି।