ଜୁନାଗଡ,୩୧।୫(ଡି.ଏନ.ଏ.): କଳାହାଣ୍ଡି ଜିଲା ଜୁନାଗଡ ବ୍ଲକ ଜାରିଙ୍ଗ ମେଡିକାଲ କଲେଜ ପରିସରରେ ଶୁକ୍ରବାର ଏକ ସ୍ବାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି। କଳାହାଣ୍ଡି ଜିଲା ସ୍ବତନ୍ତ୍ର ନବମ ଇଣ୍ଡିଆ ରିଜର୍ଭ ବାଟାଲିୟନ ପକ୍ଷରୁ ଆୟୋଜିତ ଏହି ସ୍ବାସ୍ଥ୍ୟ ଶିବିରରେ ଅଞ୍ଚଳର ୨ ଶହ ଲୋକଙ୍କୁ ମାଗଣାରେ ଚିକିତ୍ସା କରାଯାଇଛି। ସ୍ବାସ୍ଥ୍ୟ ଶିବରରେ ଡାକ୍ତର ନଟବର ବିଶୋଇ,ବିନୋଦିନୀ ପାତ୍ର, ଫାର୍ମାସିଷ୍ଟ ଶ୍ୟାମ ସୁନ୍ଦର ପ୍ରଧାନ, ଅଯୋଧ୍ୟା ନାଥ ତ୍ରୀପାଠୀ, ଷ୍ଟାପନର୍ସ ଲକ୍ଷ୍ମୀପ୍ରିୟା ଚାନ୍ଦ, ନୟନା ବାଗ, ଶରତ ଚନ୍ଦ୍ର ବିଷି, ଚାଣକ୍ୟ ମେହେର ପ୍ରମୁଖ ଦାୟିତ୍ୱ ନେଇ ଲୋକଙ୍କୁ ଚିକିତ୍ସା କରିଥିଲେ। ଏହି ଅବସରରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଡାକ୍ତର ପ୍ରିୟଙ୍କା ସିନ୍ଧା ଯୋଗଦେଇ କାର୍ଯ୍ୟକ୍ରମ ଉଦ୍ଘାଟନ କରିଥିଲେ। କାର୍ଯ୍ୟକ୍ରମରେ କମାଣ୍ଡେଣ୍ଟ ଦେବେନ୍ଦ୍ର ନାଥ ବେହେରା, ସୁବେଦାର ମଦନ କୁମାର ଶବର, ବ୍ରଜ କିଶୋର ବେହେରା, ଉମାଶଙ୍କର ଦାଶ ପ୍ରମୁଖଙ୍କ ସହ ଅନ୍ୟାନ କର୍ମଚାରୀ ଉପସ୍ଥିତ ଥିଲେ।