ଲକଡାଉନ ସେଲିବ୍ରିଟିଙ୍କୁ ଏମିତି କିଛି କାମ କରିବା ଶିଖାଇଛି, ଯାହା ହୁଏତ ପୂର୍ବରୁ କେହି କରି ନ ଥିବେ। ଏବେ ଘରେ ରହି ରୋଷେଇ କରିବାଠାରୁ ଆରମ୍ଭ କରି ବଗିଚା ମଧ୍ୟ ସଫା କରିବା ଭିଡିଓ ସେଲିବ୍ରିଟିମାନେ ନିଜ ସୋସିଆଲ ମିଡିଆରେ ପୋଷ୍ଟ କରୁଛନ୍ତି। ନିକଟରେ ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକର ତାଙ୍କ ପୁଅ ଅର୍ଜୁନଙ୍କ କେଶ କାଟିବା ଦେଖିବାକୁ ମିଳିଥିଲା। ବଲିଉଡ୍ର ଡିମ୍ପଲ୍ ଗର୍ଲ ପ୍ରୀତି ଜିଣ୍ଟା ମଧ୍ୟ ଏଥିରେ ସାମିଲ ହୋଇଛନ୍ତି। ସେ ସ୍ବାମୀ ଜିନ୍ ଗୁଡଇନଫ୍ଙ୍କ କେଶ କାଟୁଥିବା ଭିଡିଓ ଭାଇରାଲ୍ ହୋଇଛି। ଏହି ଭିଡିଓକୁ ନିଜ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ସେ କହିଛନ୍ତି, ଗୁଡଇନଫ୍ ମୋତେ ଭରସା କରି ନିଜ କେଶ କାଟିବାକୁ କହିଥିଲେ। ଆଶା କରୁଛି ଏହା ଭଲରେ ହୋଇଯାଉ ବୋଲି ପ୍ରୀତି କହିଛନ୍ତି।
