ଚେନ୍ନାଇ,୧୪।୧୧: ତାମିଲନାଡୁର ପୁଦୁକୋଟ୍ଟଇ ଜିଲାରେ ଏକ ଅଭାବନୀୟ ଘଟଣା ଘଟିଛି। ଏଠାରେ ସ୍ବାମୀଙ୍କ ମୃତ୍ୟୁର ଏକ ଘଣ୍ଟା ପରେ ଆଖିବୁଜିଛନ୍ତି ସ୍ତ୍ରୀ। କୃପାକୁଡିର ଦ୍ରାବିଡ କଲୋନୀରେ ରହୁଥିବା ଓ୍ବେତ୍ରଓ୍ବେଲ ୧୦୪ ବର୍ଷ ହୋଇଥିବାବେଳେ ତାଙ୍କ ସ୍ତ୍ରୀ ପିଚାଇଙ୍କୁ ୭୫ ବର୍ଷ ହୋଇଥିଲା। ସୋମବାର ବିଳମ୍ବିତ ରାତିରେ ଅଚାନକ ଓ୍ବେତ୍ରଓ୍ବେଲଙ୍କ ଛାତିରେ ଯନ୍ତ୍ରଣା ହେବାରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ସ୍ବାମୀଙ୍କ ମୃତଦେହ ଘରକୁ ଆସିବା ପରେ ତାଙ୍କୁ ଦେଖି କାନ୍ଦିବାକୁ ଲାଗିଥିଲେ ପିଚାଇ। ତାପରେ ସେ ବେହୋଶ ହୋଇଯାଇଥିଲେ। ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଓ୍ବେତ୍ରଓ୍ବେଲ ଏବଂ ପିଚାଇଙ୍କ ୫ଟି ସନ୍ତାନ ଏବଂ ୨୩ଜଣ ନାତୀନାତୁଣୀ ଅଛନ୍ତି। ବିବାହର ୭୫ ବର୍ଷ ଏକାଠି ରହିବା ପରେ ଏକାସାଙ୍ଗେ ଶ୍ମଶାନଘାଟକୁ ଯାଇଛନ୍ତି।