ପ୍ୟାରିସ୍,୧୬।୫ (ଏଏଫ୍ପି): ବିଶ୍ୱର ଅନ୍ୟତମ ଶ୍ରେଷ୍ଠ ଟେନିସ ଖେଳାଳି ବିବେଚିତ ହେଉଥିବା ସର୍ବିୟାର ନୋଭାକ ଜୋକୋଭିଚ୍ ବିଶ୍ୱର ଦୁଇ ଦୁଇଟି ରେକର୍ଡ ଭାଙ୍ଗିପାରିବେ ବୋଳି ଦମ୍ଭୋକ୍ତି ପ୍ରକାଶ କରିଛନ୍ତି। କ୍ୟାରୟର ଶେଷ କରିବା ପୂର୍ବରୁ ଜଣେ ସର୍ବଶ୍ରେଷ୍ଠ ଗ୍ରଣ୍ଡସ୍ଲାଟ ଟାଇଟଲ ବିଜେତା ଭାବେ ନିଜକୁ ପ୍ରମାଣିତ କରିବି। ସେ ସର୍ବାଧିକ ଗ୍ରାଣ୍ଡସ୍ଲମ ଟାଇଟଲ ହାସଲରେ ସମସ୍ତଙ୍କୁ ପଛରେ ପକାଇବି ବୋଲି ସେ କହିଛନ୍ତି। ପୁଣି ୧ ନମ୍ବର ସ୍ଥାନରେ ସର୍ବାଧିକ ସପ୍ତାହରେ ରହି ବିଶ୍ୱରେକର୍ଡ ଭଙ୍ଗ କରିବି ବୋଲି ଜୋକୋଭିଚ୍ କହିଛନ୍ତି।
ଜୋକୋଭିଜ୍ ଏପର୍ଯ୍ୟନ୍ତ ୧୭ଟି ଗ୍ରାଣ୍ଡସ୍ଲାମ ଟାଇଟଲ ହାସଲ କରିଛନ୍ତି। ସେ ରୋଜର ଫେଡରର ୨୦ ଓ ରାଫାଲ ନାଡଶଙ୍କ ୧୯ଟି ଟାଇଟଲରୁ ଯଥାକ୍ରମେ ୩ ଓ ୨ଟି ପାଦ ଦୂରରେ ରହିଛନ୍ତି। କୋଭିଡ-୧୯ କାରଣରୁ ୨୦୨୦ ସେସନ ବନ୍ଦ ହେବା ପୂର୍ବରୁ ଜୋକୋଭିଚ୍ ତାଙ୍କର ଅଷ୍ଟମ ଅଷ୍ଟ୍ରେଲିଆନ ଓପନ ଟାଇଟଲ ଜିତିଥିଲେ ଓ ବିଜୟଧାରାକୁ ୧୮-୦ରେ ପହଁଚାଇଥିଲେ। ଏହି ଦୁଇଟି ରେକର୍ଡ ଭାଙ୍ଗିବାକୁ ସମର୍ଥ ଓ ଏହା ମୋର ଲକ୍ଷ୍ୟ ବୋଲି ସେ ଦୃଢତାର ସହ କହିଛନ୍ତି। ସେ ୨୮୨ ସପ୍ତାହ ବିଶ୍ୱର ୧ ନମ୍ବର ସ୍ଥାନରେ ରହି ରେକର୍ଡ କରିଥିଲେ। ତେବେ ଫେଡେରର ୩୧୦ ସପ୍ତାହ ଓ ପୂର୍ବତନ ଖେଳାଳି ପିଟ୍ ସାମ୍ପାସ୍ ୨୮୬ ସପ୍ତାହ ୧ ନମ୍ବର ସ୍ଥାନରେ ରହିଥିଲେ। ତେବେ ବୟସ ଜୋକୋଭିଚ୍ଙ୍କ ସପକ୍ଷରେ ରହିଛି। ସେ ଆସନ୍ତା ୨୨ ତାରିଖରେ ୩୩ତମ ଜନ୍ମ ଦିନ ପାଳନ କରିବାକୁ ଯାଉଛନ୍ତି। ଅନ୍ୟପଟେ ଫେଡରର ଅଗଷ୍ଟରେ ୩୯ ଓ ନାଡଲା ଜୁନ୍ରେ ୩୪ ବର୍ଷରେ ପଦାର୍ପଣ କରିବେ। ଜୋକୋଭିଚ୍ ୪୦ ପର୍ଯ୍ୟନ୍ତ ଖେଳିବେ ବୋଲି ଆଶା ରଖିଛନ୍ତି।