ଶୀତଦିନେ ବଜାରରେ ଗୀନ୍ ମଟର ସହଜରେ ମିଳି ଯାଇଥାଏ । ଏହା ସ୍ୱାସ୍ଥ୍ୟପାଇଁ ଲାଭଦାୟକ ବୋଲି କୁହାଯାଏ । ଆୟୁର୍ବେଦ ବିଶେଷଜ୍ଞଙ୍କ ଅନୁଯାୟୀ, ଗ୍ରୀନ୍ ମଟରରେ ରହିଛି ପ୍ରୋଟିନ, ଫାଇବର, କ୍ୟାଲସିୟମ, କାର୍ବୋହାଇଡ୍ରେଟ୍ସ, ଆଇରନ୍ ଓ ଭିଟାମିନ୍ସ । ଏହାକୁ ସିଝାଇ, ତରକାରୀରେ ପକାଇ ଏମିତିକି କଞ୍ଚା ମଧ୍ୟ ଖିଆଯାଇପାରେ । ଯେଉଁମାନଙ୍କ ଶରୀରରେ ରକ୍ତ କମ୍ ରହିଛି ସେମାନେ ଗ୍ରୀନ୍ ମଟର ଖାଇବା ଭଲ । କାରଣ ଏଥିରେ ରହିଛି ଆଇରନ ଯାହା ରକ୍ତହୀନତା ଦୂର କରିବାରେ ସାହାଯ୍ୟ କରିଥାଏ । ବ୍ଲଡ ସୁଗାର କମାଇବା ପାଇଁ ଦିନକୁ ଗୋଟିଏରୁ ଦୁଇ କପ୍ ଗ୍ରୀନ୍ ମଟର ଖାଇବା ଲାଭଦାୟକ । ପ୍ରତିଦିନ ଖାଦ୍ୟରେ ଗ୍ରୀନ୍ ମଟର ସାମିଲ କଲେ ଏହା ବ୍ୟାଡ କୋଲେଷ୍ଟ୍ରଲକୁ କମ୍ କରିବା ସହ ହୃଦରୋଗ ଆଶଙ୍କା କମ୍ କରିଥାଏ । ଗ୍ରୀନ୍ ମଟରରେ ଅଧିକ ପରିମାଣର ଭିଟାମିନ୍ସ ଓ ମିନେରାଲ୍ସ ସହ ଆଣ୍ଟିଅକ୍ସିଡାଣ୍ଟସ୍ ରହିଥାଏ । ଯାହା ବୃଦ୍ଧାବସ୍ଥାରେ ଦେଖାଯାଉଥିବା ସ୍ୱାସ୍ଥ୍ୟ ସମସ୍ୟାକୁ ଦୂରେଇ ଦେଇଥାଏ ।