ନୂଆଦିଲ୍ଲୀ, ୩୧ା୫ (ପି.ଟି.)-ହକି ଇଣ୍ଡିଆର ୨ କର୍ମଚାରୀ କରୋନା ପଜିଟିଭ୍ ଜଣାପଡ଼ିବା ପରେ ଜାତୀୟ ଅଲିମ୍ପିକ କମିଟି (ଏନ୍ଓସି) ଓ ଜାତୀୟ କ୍ରୀଡ଼ା ମହାସଂଘ (ଏନ୍ଏସ୍ଏଫ୍)ଗୁଡ଼ିକର କର୍ମଚାରୀଙ୍କ କୋଭିଡ୍-୧୯ ଟେଷ୍ଟ ଅପରିହାର୍ଯ୍ୟ ହୋଇପଡ଼ିଛି ବୋଲି ଭାରତୀୟ ଅଲିମ୍ପିକ ଆସୋସିଏଶନ (ଆଇଓଏ) ସଭାପତି ନରିନ୍ଦର ବାତ୍ରା ପ୍ରକାଶ କରିଛନ୍ତି। ଶୁକ୍ରବାର ହକି ଇଣ୍ଡିଆର ୨୯ଜଣ କର୍ମଚାରୀଙ୍କ କୋଭିଡ୍-୧୯ ଟେଷ୍ଟ ହୋଇଥିଲା। ଶନିବାର ଏହାର ଫଳାଫଳ ପ୍ରକାଶ ପାଇଥିଲା। ଜଣେ ଆକାଉଣ୍ଟ୍ସ ଡିପାର୍ଟମେଣ୍ଟର ଏବଂ ଅନ୍ୟ ଜଣେ ଜୁନିୟର ଫିଲ୍ଡ ଅଫିସରଙ୍କର ପଜିଟିଭ୍ ଆସିଥିଲା। ଏପରିକି ସମସ୍ତ ରାଜ୍ୟ ଅଲିମ୍ପିକ ଆସୋସିଏଶନ(ଏସ୍ଓଏ) କର୍ମଚାରୀ ଓ ଷ୍ଟାଫ୍ ମେମ୍ବରଙ୍କୁ କୋଭିଡ୍-୧୯ ଟେଷ୍ଟ ଦେବାକୁ ବାତ୍ରା ଅନୁରୋଧ କରିଛନ୍ତି। ଏହା ଆମ ଅଂଶୀଦାର, ଆଥଲେଟ ଓ ଏଲିଟ୍ ଆଥଲେଟ୍ଙ୍କ ମନରେ ଆସ୍ଥା ସୃଷ୍ଟି କରିବ। ହକି ଇଣ୍ଡିଆ କାର୍ଯ୍ୟାଳୟ ୧୪ ଦିନ ବନ୍ଦ ରହିବ। ନେଗେଟିଭ୍ ଆସିଥିବା ୨୫ କର୍ମଚାରୀଙ୍କୁ ଘରେ ରହି କାର୍ଯ୍ୟକରିବାକୁ ନିର୍ଦ୍ଦେଶ ହୋଇଛି। ସୂଚନାଯୋଗ୍ୟ, ବାତ୍ରାଙ୍କ ପିତା କରୋନା ପଜିଟିଭ୍ ଜଣାପଡ଼ିବା ପରେ ସେ ନିଜେ ଏବେ ତାଙ୍କ ବାସଭବନରେ ସେଲ୍ଫ କ୍ୱାରାଣ୍ଟାଇନ୍ରେ ଅଛନ୍ତି।
