ଟେଗୁସିଗାଲପା,୧୯।୫: ହଣ୍ଡୁରାସ ଦ୍ୱୀପ ନିକଟରେ ଏକ ବଡ ବିମାନ ଦୁର୍ଘଟଣା ହୋଇଛି। ଶନିବାର ଏହି ଦୁର୍ଘଟଣା ହୋଇଥିବା ବେଳେ ଏଥିରେ ୪ଜଣ କାନାଡା ଓ ଜଣେ ଆମେରିକାର ନାଗରିକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଏହି ବିମାନଟି ରୋଆତରୁ ହଣ୍ଡୁରାସ ଦ୍ୱୀପ ମଧ୍ୟରେ ଥିବା ସମୁଦ୍ରରେ ପଡିଯିବାରୁ ଦୁର୍ଘଟଣା ଘଟିଥିଲା। ଛୁଟି କାଟିବାକୁ ଏଠାକୁ ଆସିଥିବା ୫ ଜଣ ପର୍ଯ୍ୟଟଙ୍କ ମୃତ୍ୟୁ ହୋଇଛି। ସୂଚନାଯୋଗ୍ୟ, ହଣ୍ଡୁରାସ ଦ୍ୱୀପରେ ଥିବା ବିମାନ ବନ୍ଦରରୁ ଉଡିବାର ମାତ୍ର କେଇ ମିନିଟ୍ ମଧ୍ୟରେ ବିମାନଟି ଡିକ୍ସନ କୋବ ସହର ନିକଟରେ ଥିବା ସମୁଦ୍ରରେ ପଡି ଯାଇଥିଲା।