ଚଣ୍ଡିଗଡ଼/ମୁମ୍ବାଇ,୨୪।୧୦: ସମସ୍ତ ଏକ୍ଜିଟ୍ ପୋଲ୍କୁ ଭୁଲ୍ ପ୍ରମାଣିତ କରିଛି ହରିୟାଣା ଓ ମହାରାଷ୍ଟ୍ରର ବିଧାନସଭା ନିର୍ବାଚନ ଫଳାଫଳ। ହରିୟାଣାରେ ଶାସକ ଭାଜପା ଓ କଂଗ୍ରେସ ୩୫ ଲେଖାଏଁ ଆସନରେ ଆଗୁଆ ରହିଛନ୍ତି। ଏଠାରେ ଉଭୟଙ୍କ ମଧ୍ୟରେ ଆସନ ଟାଇ ହୋଇଛି। ସେହିପରି ମହାରାଷ୍ଟ୍ରରେ ଭାଜପା-ଶିବସେନା ମେଣ୍ଟ ଫିପ୍ଟି-ଫିପ୍ଟି ସରକାର ପୁଣି ଥରେ ଗଠନ ହେବା ନିଶ୍ଚିତ ହୋଇଛି। ହରିୟାଣାରେ ଜେଜେପି ସହିତ ହାତ ମିଳାଇଲେ ହିଁ ଯାଇ ସରକାର ଗଠନ ସମ୍ଭବ ହୋଇ ପାରିବ। ତେବେ ଜେଜେପି ରଖିଥିବା ସର୍ତ୍ତକୁ ଭାଜପା ତଥା କଂଗ୍ରେସ ପାଇଁ କେତେ ଦୂର ଗ୍ରହଣଯୋଗ୍ୟ ହେବ ସେ ନେଇ ରାଜନୈତିକ ମହଲରେ ଚର୍ଚ୍ଚା ଜାରି ରହିଛି।