ନ୍ୟୁୟର୍କ: ବଲିଉଡ୍ର ବରିଷ୍ଠ କଳାକାର ଅନୁପମ ଖେର ଶନିବାର ୬୫ ବର୍ଷରେ ପଦାର୍ପଣ କରିଛନ୍ତି। ଏହି ଅବସରରେ ସେ ନ୍ୟୁୟର୍କରେ ହଲିଉଡ୍ର ଭେଟେରାନ ଆକ୍ଟର ରୋବର୍ଟ ଡି ନିରୋଙ୍କ ସହ ଜନ୍ମଦିନ ପାଳନ କରିଛନ୍ତି। ଏହି ଦୁଇ କଳାକାର ୨୦୧୨ରେ ‘ସିଲଭର ଲନିଙ୍ଗନ୍ସ ପ୍ଲେବୁକ’ରେ ସ୍କ୍ରିନ୍ ଶେୟାର କରିଥିଲେ। ନିରୋଙ୍କ ସହ ଜନ୍ମଦିନ ପାଳନ କରୁଥିବାର ଏକ ଭିଡିଓ ଅନୁପମ ତାଙ୍କ ଇନଷ୍ଟାଗ୍ରାମରେ ଶେୟାର କରିଛନ୍ତି। ଏହି ଭିଡିଓରେ ଏକ ମିନିଏଚର କେକ୍ରେ କ୍ୟାଣ୍ଡେଲ ଜଳୁଥିବା ବେଳେ ନିରୋ ବାର୍ଥଡେ ସଙ୍ଗ ଗାଇ ଅନୁପମଙ୍କୁ ଜନ୍ମଦିନର ଶୁଭେଚ୍ଛା ଜଣାଉଛନ୍ତି। ଏହାପରେ ଅନୁପମ ତାଙ୍କୁ ଧନ୍ୟବାଦ ଦେଇ କେକ୍ କାଟିବାକୁ ଯାଉଥିବା ଦେଖାଯାଇଛି।