ପୁରୀ ଅଫିସ, ୧୪ା୯: ଚନ୍ଦନପୁର ହସ୍ପିଟାଲରୁ ଶୁକ୍ରବାର ଏକ ନାଗସାପ ଛୁଆ ଉଦ୍ଧାର କରାଯାଇଛି। ସ୍ନେକ ହେଲ୍ପ ଲାଇନ ସଦସ୍ୟ ନିହାର ରଞ୍ଜନ ପଣ୍ଡା ଏହି ସାପ ଛୁଆଟିକୁ ଉଦ୍ଧାର କରିଥିଲେ। ଅପରାହ୍ନରେ ହସ୍ପିଟାଲ ସମ୍ମିଳନୀ କକ୍ଷରେ ଏକ ନାଗସାପ ଛୁଆକୁ କର୍ମଚାରୀ ଦେଖି ସ୍ନେକ ହେଲ୍ପ ଲାଇନକୁ ଖବର ଦେଇଥିଲେ। ନିହାର ପହଞ୍ଚତ୍ ତାକୁ ଉଦ୍ଧାର କରିଥିଲେ। ପ୍ରାୟ ୨ ଫୁଟ ଲମ୍ବର ଏହି ନାଗସାପ ଛୁଆକୁ ବାଲୁଖଣ୍ଡ ଅଭୟାରଣ୍ୟରେ ଛାଡି ଦେଇଥିଲେ। ତେବେ ହସ୍ପିଟାଲ କର୍ମଚାରୀଙ୍କ କହିବା ମୁତାବକ, ବାତ୍ୟା ପରଠାରୁ ହସ୍ପିଟାଲ ପଛ ପାର୍ଶ୍ୱରେ ଅଳିଆ ଆବର୍ଜନା ଜମିଛି। ଏହାକୁ ସଫା କରାଯାଇ ନାହିଁ। ଫଳରେ ଏଠାରେ ସାପ ରହି ଅଣ୍ଡା ଦେଇ ଛୁଆ ଫୁଟାଇଛନ୍ତି। ଫଳରେ ମେଡିକାଲ ପରିସରରେ ବିଭିନ୍ନ ସମୟରେ ବଡ ଏବଂ ଛୋଟ ନାଗସାପ ବୁଲୁଥିବା କର୍ମଚାରୀମାନେ ଦେଖିବାକୁ ପାଉଛନ୍ତି। ତେଣୁ ତୁରନ୍ତ ଅଳିଆ ଆବର୍ଜନା ସଫା କରାଯିବା ଦରକାର ବୋଲି ସେମାନେ କହଛନ୍ତି।