??
କେନ୍ଦୁଝର, ୭ା୭ (ସ୍ବ.ପ୍ର./ଡି.ଏନ.ଏ.)-କେନ୍ଦୁଝର ଜିଲାପାଳଙ୍କ କୋର୍ଟରେ ଚାଲିଥିବା ଖିଲାପୀ ଖଣି ସଂସ୍ଥାଙ୍କ ସମ୍ପତି ବାଜ୍ୟାପ୍ତି ମାମଲାରେ ଶନିବାର ୮ ଖଣି ସଂସ୍ଥା ହାଜର ହୋଇଥିଲେ ା ସୁପ୍ରିମ କୋର୍ଟଙ୍କ ଆଦେଶ କ୍ରମେ ୩୧ ଖଣିର ୨୩ ଜଣ ଖଣିସଂସ୍ଥା ବିରୋଧରେ ଜରିମାନା ଅର୍ଥ ପୈଠ କରିବାକୁ ନୋଟିସ ଜାରି ହୋଇଥିଲା। ଏହି ଖଣି ସଂସ୍ଥା ଉପରେ ୬୩୫୦ କୋଟି ଟଙ୍କା ଜରିମାନା ଆଦାୟ କରିବା ଜିଲାପାଳଙ୍କ କୋର୍ଟରେ ସାର୍ଟିଫିକେଟ ମାମଲା ଚାଲିଛି। ଜରିମାନା ପୈଠ ନ କଲେ ସମ୍ପତ୍ତି ବାଜ୍ୟାପ୍ତି ହେବ। ଶନିବାର ଶୁଣାଣି କରି ୫ ଖଣି ସଂସ୍ଥାର ମାମଲା ଚୂଡାନ୍ତ କରିଛନ୍ତି। ଜିଲାପାଳ ଆଶିଷ ଠାକରେ ଖଣି ମାମଲାର ଶୁଣାଣି କରି ଏଚ.ଜି ପାଣ୍ଡିଆ, ଗନ୍ଧମାର୍ଦ୍ଦନ ସ୍ପଞ୍ଜ ଆଇରନ ଲିଃ, ଟି.ବି.ଲାଲ, ଭଞ୍ଜ ମିନେରାଲସ, ଏସ.ସି.ପାଢୀଙ୍କୁ ଆସନ୍ତା ଜୁଲାଇ ୨୦ ତାରିଖ ସୁଦ୍ଧା ଜରିମାନା ଅର୍ଥ ପୈଠ କରା ନ ଗଲେ ଓାରେଣ୍ଟ ଜାରି କରିବା ସହ ସମ୍ପତ୍ତ ବାଜ୍ୟାପ୍ତି କରିବାକୁ ତହସିଲକୁ କୁହାଯିବ ବୋଲି ଆଦେଶ ହୋଇଛି। ସୁପ୍ରିମ କୋର୍ଟରେ ବିଚାରଧୀନ ଥିବାରୁ ମାଲା ରାୟର ମାମଲା ଅଗଷ୍ଟ ୩ରେ ପରବର୍ତ୍ତୀ ଶୁଣାଣି କରାଯିବ। ବିସି ଦେବର କେନ୍ଦ୍ର ଖଣି ଓ ଇସ୍ପାତ ବିଭାଗରେ ଅପିଲ ବିଚାରଧୀନ ଥିବାରୁ ପରବର୍ତ୍ତୀ ଶୁଣାଣି ଆସନ୍ତା ଅଗଷ୍ଟ ୧୭ ତାରିଖକୁ ଧାର୍ଯ୍ୟ କରାଯାଇଛି ା ଏସ.ଏନ.ଦାସ ମହାପାତ୍ର ହାଇକୋର୍ଟରେ ଅପିଲ କରିଥିବାରୁ ପରବର୍ତ୍ତୀ ଶୁଣାଣି ଆସନ୍ତା ଜୁଲାଇ ୨୬ ତାରିଖକୁ ଘୁଞ୍ଚାଇ ଦିଆଯାଇଛି।