ଗୋପ,୨୪।୩(ଡି.ଏନ୍.ଏ): କରୋନା ସଂକ୍ରମଣ ରୋକିବା ଲାଗି ସରକାର ସାମାଜିକ ଦୂରତ୍ୱ ରକ୍ଷା କରୁଥିବାବେଳେ ଜିଲାପାଳଙ୍କ ନିର୍ଦ୍ଦେଶରେ ଗୋପ ବ୍ଲକ୍ର କେତେକ ହାଟକୁ ୧୪୪ ଧାରା ଜାରି କରାଯାଇଛି। ଏହାସତ୍ତ୍ୱେ ସୋମବାର ସ୍ଥାନୀୟ ନାଗପୁର ହାଟ ଚାଲିବା ନେଇ ଅଭିଯୋଗ ଆସିବା ପରେ ପୋଲିସ୍ ପ୍ରଶାସନ ପକ୍ଷରୁ ଏହାକୁ ବନ୍ଦ କରି ଦିଆଯାଇଥିଲା। ମାତ୍ର ଏହି ହାଟକୁ ବିଭିନ୍ନ ପ୍ରକାର ପନିପରିବା ନେଇ ଆସିଥିବା ଶତାଧିକ ଚାଷୀ ହାଟ ବନ୍ଦ ଯୋଗୁ ନାଗପୁର ବଜାରର ଦୁଇ ରାସ୍ତାକଡ଼ରେ ବସି ବିକ୍ରି କରିଥିଲେ। ଏହାକୁ ନେଇ କିଛି ସମୟ ଲାଗି ନାଗପୁର ହାଟରେ ଉତ୍ତେଜନା ଦେଖାଯାଇଥିଲା। କିନ୍ତୁ ଚାଷୀମାନେ ପ୍ରଶାସନର ଏପରି ନିର୍ଦ୍ଦେଶ ପରେ ଆମ ପରିବାର କିଭଳି ଚଳିବ କହି ହୋହଲ୍ଲା କରି ବସି ରହିଥିଲେ। ଖବରପାଇ ଗୋପ ବ୍ଲକ୍ ବିଡିଓ ଦୀପ୍ତିରାଣୀ ଦାସ, ଥାନାଧିକାରୀ ସୁଧୀର କୁମାର ସାହୁ ପୋଲିସ୍ ଫୋର୍ସ ସହ ହାଟରେ ପହଞ୍ଚତ୍ ଚାଷୀମାନଙ୍କୁ ବୁଝାଶୁଝା କରିବା ପରେ ପରିସ୍ଥିତି ଶାନ୍ତ ପଡ଼ିଥିଲା।