ସୁନ୍ଦର ଦେଖାଯିବାକୁ କିଏ ବା ଇଚ୍ଛା ନ କରେ? ଯୁବତୀ ହୁଅନ୍ତୁ କି ମହିଳା ସମସ୍ତେ ମେକ୍ଅପ୍ ସହିତ ଶୃଙ୍ଗାର କରିଥାନ୍ତି। ଖାସ୍କରି ଯୁବତୀମାନେ ଶୃଙ୍ଗାରକୁ ବଢ଼ାଇବା ପାଇଁ ବିଭିନ୍ନ ପ୍ରକାର ଆସେସରିଜ୍ ବ୍ୟବହାର କରିଥାନ୍ତି। ଏଥିପାଇଁ କେତେକ ବିଷୟ ପ୍ରତି ନଜର ଦେବାକୁ ପଡ଼ିଥାଏ। ସେ ବିଷୟରେ ଟିପ୍ସ…
ନେଲ ରିଙ୍ଗ୍ସ: ହାତରେ କିଛି ନୂଆ ଦେଖାଯିବାକୁ ଚାହୁଁଥିଲେ ବଜାରରେ ନେଲ ରିଙ୍ଗ୍ର ବହୁତ ପ୍ରଚଳନ ହେଉଛି। ଯେଉଁମାନଙ୍କର ନେଲ୍ଆର୍ଟ କରିବା ପସନ୍ଦ ସେମାନେ ଏହାକୁ ବ୍ୟବହାର କରିପାରିବେ।
ଫକି ରିଙ୍ଗ୍ସ : ଓ୍ବେଷ୍ଟର୍ନ ଡ୍ରେସ୍ ପିନ୍ଧୁଥିବା ଝିଅମାନଙ୍କୁ ଏହି ରିଙ୍ଗ୍ ଭଲ ମାନିଥାଏ। କାରଣ ଏଭଳି ଡ୍ରେସ୍ ସହ ଏହି ରିଙ୍ଗ୍ ମ୍ୟାଚ୍ କରିଥାଏ।
ଡାଇମଣ୍ଡ ରିଙ୍ଗ୍ସ: ଡାଇମଣ୍ଡ ରିଙ୍ଗ ସବୁପ୍ରକାର ପରିଧାନ ସହ ମାନିଥାଏ। ଏହି ରିଙ୍ଗ୍ର ପ୍ରଚଳନ ସବୁବେଳେ ରହିଛି। ଆଜିକାଲି ଅଧିକାଂଶ ମହିଳା ଏହାକୁ ପିନ୍ଧିବାକୁ ପସନ୍ଦ କରୁଛନ୍ତି।
ବ୍ରେସ୍ଲେଟ୍ ଥିବା ରିଙ୍ଗ୍: ଆଜିକାଲି ବଜାରରେ ବ୍ରେସଲେଟ୍ ଥିବା ରିଙ୍ଗ୍ସ ମିଳୁଛି। ଏହା ଆଙ୍ଗୁଠିରୁ ବାହାରି ପାପୁଲିକୁ ମଧ୍ୟ କଭର କରିଥାଏ, ଯାହା ଦ୍ୱାରା ଆଙ୍ଗୁଠି ସୁନ୍ଦର ଦେଖାଯିବା ସହ ପାପୁଲି ମଧ୍ୟ ସୁନ୍ଦର ଦେଖାଯାଇଥାଏ।