ବନ୍ତଳା,୬।୯(ଡି.ଏନ.ଏ.): ଅନୁଗୋଳ ରେଞ୍ଜ କରତପଟା ବିଟ୍ ଅଧୀନ କଇରିଆମ୍ବ ଗ୍ରାମରେ ଗୁରୁବାର ସକାଳେ ଏକ ଦନ୍ତା ହାତୀ ଆକ୍ରମଣରେ ୩ ଜଣ ଗୁରୁତର ଆହତ ହୋଇଛନ୍ତି। ସେମାନେ ହେଲେ ପ୍ରଶ୍ନ ସାହୁ(୬୦) ତାଙ୍କ ସ୍ତ୍ରୀ କିରଣ ସାହୁ(୫୨) ସାନ ଝିଅ ଯଶୋଦା ସାହୁ (୨୦)। ସେମାନଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଘଟଣାରୁ ଜଣାପଡିଛି, ପ୍ରଶ୍ନଙ୍କ ବଡ଼ ଝିଅ ଚୁମୁକି ସାହୁ(୨୫) ନିକଟସ୍ଥ ପଡିଆକୁ ଶୌଚ ପାଇଁ ଯାଇଥିବାବେଳେ ଏକ ଦନ୍ତା ତାଙ୍କୁ ଆକ୍ରମଣ ଉଦ୍ୟମ କରିଥିଲା। ଚୁମୁକି ପାଟି କରି ଦୌଡୁଥିବା ସମୟରେ ପାଟି ଶୁଣି ପ୍ରଶ୍ନ, କିରଣ ଓ ଯଶୋଦା ଘରୁ ବାହାରି ଆସିଥିଲେ। ସେହି ସମୟରେ ଦନ୍ତାଟି ଏହି ୩ ଜଣଙ୍କୁ ଆକ୍ରମଣ କରିବା ସହ ପ୍ରଶ୍ନଙ୍କ ଘର ଭାଙ୍ଗି ଦେଇଛି।