ପଡ଼ିଆବାହାଲ,୧୮।୩(ଡି.ଏନ୍.ଏ.): ସମ୍ବଲପୁର ଜିଲା ଦେଦାରନୂଆପାଲି ଅଞ୍ଚଳରେ ସାତଘରିଆ ହାତୀପଲ ୪ ଦିନ ହେଲା ଘୁରିବୁଲି ବ୍ୟାପକ ଧାନ ଚାଷ ନଷ୍ଟ କରୁଛନ୍ତି। ଗୁରୁବାର ସାତଘର ଥିଲାବେଳେ ଆଜି ଦୁଇ ଘର ସନ୍ଧ୍ୟା ସୁଦ୍ଧା କ୍ଷେତରେ ପହଞ୍ଚିଛନ୍ତି। ସ୍ଥାନୀୟ ଲୋକେ ହାତୀ ଘଉଡ଼ାଇ ପାରୁ ନ ଥିଲା ବେଳେ ବନ ବିଭାଗକୁ ଖବର ଦେଇ ମଧ୍ୟ କିଛି ସୁଫଳ ପାଉ ନଥିବା ଚାଷୀ କହିଛନ୍ତି। ଏହା ସହ ଫଟୋ ସହ ନିର୍ଦ୍ଧାରିତ ଫର୍ମରେ ଦରଖାସ୍ତ ଦେଲେ କ୍ଷତି ପୂରଣ ପାଇଁ ପଠାଇବେ ବୋଲି ବନ ବିଭାଗ କହୁଥିବା ସେମାନେ କହିଛନ୍ତି। ହାତୀପଲ ଦଳି ଚକଟି କରୁଥିବାରୁ ବ୍ୟାପକ କ୍ଷୟକ୍ଷତି ହୋଇଛି।