ସେରଗଡ,୧୭।୯(ଡି.ଏନ.ଏ.)
କଳାହାଣ୍ଡି ଜିଲା ନର୍ଲା ରେଞ୍ଜ ଅନ୍ତର୍ଗତ କମର୍ଦା ସେକ୍ସନ ଓ ବିଟ୍ ପୋରଗେଲ ସଂରକ୍ଷିତ ଜଙ୍ଗଲରେ ସୋମବାର ଏକ ହାତୀ ଶାବକର ମୃତଦେହ ଠାବ କରାଯାଇଛି । ଖବର ପାଇ ନର୍ଲା ବନ ବିଭାଗ, ରେଞ୍ଜର ନୃତରାଜ ମାଝି, କଳାହାଣ୍ଡି ଉତ୍ତରାଖଣ୍ଡ ବନ ବିଭାଗ ଡିଏଫ୍ଓ ନିତେଶ କୁମାର, ସିଇଏଫ୍ ବଂଶୀଧର ସ୍ବାଇଁ ଓ ଗଜାନନ ଲାଡେ, କମର୍ଦା ବନାଞ୍ଚଳ ଫରେଷ୍ଟର ନବୀନ ମାଝି, ଆଣ୍ଟି ଡିଫରେଶନ ସ୍କ୍ବାଡ୍ ଘଟଣାସ୍ଥଳରେ ପହଞ୍ଚତ୍ ଥିଲେ । ସେଠାରେ ମୃତ ଶାବକକୁ ବ୍ୟବଚ୍ଛେଦ କରାଯାଇଥିଲା। ପରେ ସ୍ଥାନୀୟ ସରପଞ୍ଚ, ବନ ସୁରକ୍ଷା କର୍ମକର୍ତ୍ତାଙ୍କ ଉପସ୍ଥିତିରେ ୫ ଫୁଟ୍ର ଗାତ ଖୋଳି ପୋତି ଦିଆଯାଇଛି। ହାତୀ ଶାବକ ମୃତାବସ୍ଥାରେ ଜନ୍ମ ହୋଇଥିବା ଶବ ବ୍ୟବଚ୍ଛେଦ ରିପୋର୍ଟରୁ ଜଣାପଡିଛି ବୋଲି ନର୍ଲା ରେଞ୍ଜର ନୃତରାଜ ମାଝି ପ୍ରକାଶ କରିଛନ୍ତି ।