ଜାଣନ୍ତି ଏମିତି ଗଛ ଅଛି, ଯାହା ମଣିଷ ପରି ହଇରାଣ ହରକତ କରିଥାଏ। ଏପରିକି ହସିଥାଏ ମଧ୍ୟ। ଅବିଶ୍ୱସନୀୟ ଲାଗୁଥିଲେ ମଧ୍ୟ ସତ। ଏହି ଗଛ ଭାରତରେ ହିଁ ରହିଛି। ଏହି ଅଜବ ଗଛ ଉତ୍ତରାଖଣ୍ଡର କାଲାଢୁଙ୍ଗୀ ଜଙ୍ଗଲରେ ରହିଛି। ଏହି ଗଛ ସମ୍ପୂର୍ଣ୍ଣ ଭାବେ ମଣିଷ ପରି ବ୍ୟବହାର ଦେଖାଇଥାଏ। ଗତ ୫ ବର୍ଷ ଧରି କାଲାଢୁଙ୍ଗୀ ଜଙ୍ଗଲରେ ଏପରି ଦୁଇଟି ଗଛ ଦେଖିବାକୁ ମିଳିଛି। କାର୍ବେଟ ଗ୍ରାମ ବିକାଶ କମିଟି ଦ୍ୱାରା ଏହା ପର୍ଯ୍ୟଟନ ସହିତ ଜଡ଼ିତ। ପର୍ଯ୍ୟଟକମାନେ କମିଟିର ଗାଇଡ୍ ନିକଟକୁ ଯାଇ ଏହି ଗଛଗୁଡ଼କ ଘଞ୍ଚ ଜଙ୍ଗଲରେ ଥରୁଥିବାର ଦେଖାଇଥାନ୍ତି। ଏହି ଥରିବାକୁ ଲୋକେ ଗଛ ହସୁଥିବା କୁହନ୍ତି। ଏହାର ବଟାନିକାଲ ନାମ ହେଉଛି ରାଣ୍ଡିଆ ଡୁମିଟାରମ୍। ଏହି ଗଛଟି ମଣିଷ ପରି । ଏହା ଉପର ହାତ ରଖିଲେ ଏହାର କମ୍ପନ ସୃଷ୍ଟି ହୋଇଥାଏ। ସେହି ସମୟରେ ଗଛର ଗଣ୍ଡିକୁ ସ୍ପର୍ଶ କଲେ ଏହାର ଶାଖା ଗତି କରିବା ଆରମ୍ଭ କରେ। ରୁବିଏସି ପ୍ରଜାତି ନାମକ ଏହି ଗଛ ୩୦୦ରୁ ୧୩୦୦ ମିଟର ଉଚ୍ଚତାର ବଢ଼ିଥାଏ। ଏକ ଟିମ୍ ଗବେଷଣା କରି କହିଛନ୍ତି, ଗଛ ଗଣ୍ଡିରେ ଆଙ୍ଗୁଠି ଘଷିଲେ ଏହା ଚାଲିବା ଆରମ୍ଭ କରିଥାଏ। ଯଦିଓ ଏହାର ପ୍ରକୃତ କାରଣ ଜଣା ପଡ଼ିନାହିଁ, ତଥାପି ଏହି ଗଛ ହସୁଥିବାର ଲୋକେ କହିଥାନ୍ତି। ଏହାକୁ ଦେଖିବା ପାଇଁ ବହୁ ପର୍ଯ୍ୟଟକ ଏଠାକୁ ଆସିଥାନ୍ତି।