ଛତୁରେ ବିଭିନ୍ନ ପୋଷକତ୍ବ ରହିଥାଏ। ଏହାକୁ ପ୍ରତିଦିନ ଖାଇଲେ ଶରୀରର ବହୁ ଉପକାର ହୁଏ। ଶରୀରର ରୋଗପ୍ରତିରୋଧକ ଶକ୍ତି ବୃଦ୍ଧି କରିବାରେ ଏହା ସହାୟକ ହୋଇଥାଏ । ଅଭ୍ୟାସ କରି ସପ୍ତାହରେ ୨ ଥର ଛତୁ ଖାଇଲେ ହାର୍ଟଆଟାକ୍ ଓ ଡାଇବେଟିସ୍ ସମସ୍ୟା ଦୂର ହୋଇଥାଏ। ଶରୀରରେ କୋଲେଷ୍ଟରଲ ଓ ଶର୍କରାସ୍ତରକୁ ଛତୁ କମାଏ ବୋଲି ନିକଟରେ ଟ୍ରିନିଟି ବିଶ୍ୱବିଦ୍ୟାଳୟରେ ହୋଇଥିବା ଏକ ଗବେଷଣା ରିପୋର୍ଟରେ ଉଲ୍ଲେଖ କରାଯାଇଛି। ଛତୁରେ ଲିନ୍ ପ୍ରୋଟିନ୍ ରହିଥାଏ। ଫଳରେ ଏହା ମେଦବହୁଳ ଓ ହୃଦ୍ରୋଗୀଙ୍କ ପାଇଁ ବେଶ୍ ଉପଯୋଗୀ ହୋଇଥାଏ। ଛତୁରେ ସୋଡିୟମ, ପ୍ରୋଟିନ୍, କ୍ୟାଲସିୟମ୍, ମ୍ୟାଗ୍ନେସିୟମ୍ ଆଦି ପୋଷକ ତତ୍ତ୍ୱ ରହିଥାଏ। ସାକ୍ଟେକ ପ୍ରଜାତିର ଛତୁରେ ବହୁମାତ୍ରାରେ ରୋଗପ୍ରତିରୋଧକ ଶକ୍ତି ରହିଥାଏ। ସେହିଭଳି ଭାବେ ରେଶୀ ପ୍ରଜାତିର ଛତୁ ଉଚ୍ଚରକ୍ତଚାପକୁ ହ୍ରାସ କରିବାରେ ସହାୟକ ହୋଇଥାଏ। ମାଇଟେକ୍ ପ୍ରଜାତିର ଛତୁ ଦ୍ୱାରା ରକ୍ତଚାପ ଓ ଲିଭର ଜନିତ ସମସ୍ୟାରୁ ମୁକ୍ତି ମିଳିଥାଏ । ଏଥିରେ ବହୁମାତ୍ରାରେ ଲୌହସାର ରହିଥିବାରୁ ଏହା ଖାଇବା ଦ୍ୱାରା ଶରୀରରେ ରକ୍ତ ସଞ୍ଚାଳନ ସ୍ବାଭାବିକ ହୋଇଥାଏ। ଏହା ମେଦବହୁଳତା ଦୂର କରିବାରେ ସହାୟକ ହୋଇଥାଏ । ଛତୁରେ ଥିବା ଭିଟାମିନ ବି’ ଖାଦ୍ୟକୁ ଗ୍ଲୁକୋଜ୍ରେ ପରିଣତ କରେ। ଛତୁୁ ଖାଇବା ଦ୍ୱାରା କ୍ୟାନସର, ଏଚ୍ଆଇଭି ସଂକ୍ରମଣର ଆଶଙ୍କା କମ ହୋଇଥାଏ ବୋଲି ଏହି ରିପୋର୍ଟ ଦର୍ଶାଯାଇଛି।