ନୂଆଦିଲ୍ଲୀ,୮।୧୦: ପୂର୍ବତନ ପେସର ଜାହିର ଖାନ ସୋମବାର ୪୧ତମ ଜନ୍ମଦିନ ପାଳନ କରିଛନ୍ତି। ଏହି ଅବସରରେ ତାଙ୍କୁ ସାଥୀ ଖେଳାଳି ଓ ବର୍ତ୍ତମାନ ଖେଳାଳିମାନେ ଶୁଭେଚ୍ଛା ଦେଇଥିଲେ। ଶୁଭେଚ୍ଛୁଙ୍କ ତାଲିକାରେ ରହିଥିଲେ ହାର୍ଦ୍ଦିକ ପାଣ୍ଡ୍ୟା। ସେ ଏକ ଭିଡିଓ ପୋଷ୍ଟ କରିଥିଲେ, ଯେଉଁଥିରେ ହାର୍ଦ୍ଦିକ ଜାହିରଙ୍କ ବଲକୁ ଛକା ଲଗାଇଥିଲେ। ଏହାର କ୍ୟାପଶନରେ ଲେଖିଥିଲେ ଜାହିରଙ୍କୁ ଜନ୍ମଦିନର ଶୁଭକାମନା। ଆଶା କରୁଛି, ତମେ ମୋ ଭଳି ଛକା ମାରିବ। ତୁରନ୍ତ ପରେ ଫାଣ୍ଡ୍ୟାଙ୍କ ଟୁଇଟ୍କୁ ପ୍ରଶଂସକମାନେ ସମାଲୋଚନା କରିବା ଆରମ୍ଭ କରିଥିଲେ। କିଛି ପ୍ରଶଂସକ ଜାହିରଙ୍କ ସଫଳତା ଓ ଭାରତୀୟ କ୍ରିକେଟ ପ୍ରତି ଅବଦାନ ସମ୍ପର୍କରେ କମେଣ୍ଟ କରିଥିବାବେଳେ ଅନ୍ୟମାନେ ସିଧାସଳଖ ପାଣ୍ଡ୍ୟାଙ୍କୁ ଟାର୍ଗେଟ କରିଛନ୍ତି। ଜଣେ ଲେଖିଛନ୍ତି, ଏତେ ଆତ୍ମବିଶ୍ୱାସ ଭଲ ନୁହେଁ। କଫିର ନିଶା ଏବେ ଖସି ନାହି କି? ଆଉ ଜଣେ କମେଣ୍ଟ କରିଛନ୍ତି, ଦୟାକରି ଜାହିରଙ୍କ ପ୍ରତି ସମ୍ମାନ ପ୍ରଦର୍ଶନ କର। ତୁମେ ତାଙ୍କ ସମୟରେ ଜାହିରଙ୍କ ସମ୍ମୁଖୀନ ହୋଇନାହଁ। ଏଭଳି ଆହୁରି କମେଣ୍ଟ ଦେଇଛନ୍ତି ପ୍ରଶଂସକ।
