ଭାରତୀୟ କ୍ରିକେଟ ଦଳର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ନାଁ ବଲିଉଡର ଅନେକ ଅଭିନେତ୍ରୀଙ୍କ ସହ ଯୋଡାଯାଏ। ନିକଟରେ ପାଣ୍ଡ୍ୟା ନିଜ ପିଲାଦିନର ଏକ ଫଟୋ ଇନ୍ଷ୍ଟାଗ୍ରାମରେ ଅପ୍ଲୋଡ୍ କରିଥିଲେ। ଯେଉଁ ଫଟୋରେ ସେ ଟ୍ରକ ପଛରେ ବସି କ୍ରିକେଟ ଖେଳିବାକୁ ଯାଉଥିବାର ଦେଖାଯାଇଛି। ତାଙ୍କର ଏହି ଫଟୋ ଦେଖି ଭାବପ୍ରବଣ ହୋଇପଡିଛନ୍ତି ବଲିଉଡ୍ ଅଭିନେତ୍ରୀ ଉର୍ବଶୀ ରଉତେଲା। ସେ ଉକ୍ତ ଫଟୋ ଫଟୋ ଦେଖି ତାଙ୍କ ପିଲା ବେଳ ସଂଘର୍ଷର କାହାଣୀ ବଖାଣିଛନ୍ତି। ପିଲାଦିନେ ସେ କେମିତି ବାସ୍କେଟ୍ ବଲ୍ ଖେଳିବା ପାଇଁ ଟ୍ରେନ୍ରେ ଯାତ୍ରା କରୁଥିଲେ, ତାହା ସେ କହିଛନ୍ତି। ପାଣ୍ଡ୍ୟା ଏବଂ ଉର୍ବଶୀ ପରସ୍ପରକୁ ଡେଟ୍ କରୁଥିବାର ଗଣମାଧ୍ୟମରେ ଚର୍ଚ୍ଚା ହେଉଛି। ନିକଟରେ ଉଭୟଙ୍କୁ ମୁମ୍ବାଇରେ ଆୟୋଜିତ ଏକ ପାର୍ଟିରେ ଦେଖିବାକୁ ମିଳିଥିଲା।