ଖଣ୍ଡପଡ଼ା,୨୬ା୮(ସ୍ବ.ପ୍ର.)- ସ୍ବଚ୍ଛ ଭାରତ ମିଶନ ଅଭିଯାନ ନିମନ୍ତେ କେନ୍ଦ୍ର ସରକାର କୋଟି କୋଟି ଟଙ୍କା ବ୍ୟୟ କରୁଥିଲେ ସୁଦ୍ଧା ବାସ୍ତବରେ ଏହା କେତେଦୂର କାର୍ଯ୍ୟକାରୀ ହୋଇପାରିଛି ସେ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଖଣ୍ଡପଡ଼ା ବ୍ଲକର ସିଂଘାପଡ଼ା ପଞ୍ଚାୟତରେ ଅନେକ ହିତାଧିକାରୀ ଉକ୍ତ ଯୋଜନାରୁ ବଞ୍ଚତ୍ତ ହେବାରୁ ଏହି ଯୋଜନା ଏକ ପ୍ରକାର ପ୍ରହସନ ପାଲଟିଛି ବୋଲି ସାଧାରଣରେ ଅଭିଯୋଗ ହୋଇଛି। ସୂଚନାଯୋଗ୍ୟ, ସ୍ବଚ୍ଛ ଭାରତ ମିଶନ ମାଧ୍ୟମରେ ଗ୍ରାମାଞ୍ଚଳ, ସହାରାଞ୍ଚଳରେ ବସବାସ କରୁଥିବା ଗରିବ ଜନସାଧାରଣଙ୍କୁ ପାଇଖାନା ନିର୍ମାଣ ନିମନ୍ତେ ଅନୁଦାନ ଅର୍ଥ ଯୋଗାଇ ଦିଆଯାଉଛି। ମାତ୍ର ଅନେକ ଯୋଗ୍ୟ ହିତାଧିକାରୀ ଯୋଜନାରୁ ବାଦ୍ ପଡିଥିବାରୁ ଅସନ୍ତୋଷ ପ୍ରକାଶ ପାଇଛି। ଲାଞ୍ଚ ନ ଦେଲେ ପାଇଖାନା ନିମର୍ର୍ାଣ ନିମନ୍ତେ କାର୍ଯ୍ୟାଦେଶ ମିଳୁ ନ ଥିବା ଅଭିଯୋଗ ହେଉଛିି। ଏହାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ଖଣ୍ଡପଡ଼ା ବ୍ଲକ ଅନ୍ତର୍ଗତ ସିଂଘାପଡା ପଞ୍ଚାୟତସ୍ଥ ଖୁଣ୍ଟବନ୍ଧ, କୁଟୁକୁଣୀ, ବେଡାକି, ରୁପାପଲ୍ଲୀ, ସମ୍ବରବିନ୍ଧା, ବରଗଣ୍ଡ ଆଦିି ଆଦିବାସୀ ଅଧ୍ୟୂଷିତ ଗ୍ରାମଗୁଡିକରେ। ଖୁଣ୍ଟବନ୍ଧ ଦଳିତ ସାହିର ଅନେକ ଗରିବଙ୍କ ଘରେ ପକ୍କା ପାଇଖାନାଟିଏ ନାହିଁ। ତେଣୁ ସେମାନେ ବାଧ୍ୟ ହୋଇ ଘର ପଛପଟେ ଝାଟିମାଟି କାନ୍ଥ କରି ପୁରୁଣା ଲୁଗା ଟାଣି ଯେଭଳି ଦୟନୀୟ ଅବସ୍ଥାରେ ମଳତ୍ୟାଗ କରୁଛନ୍ତି ସେଥିରୁ ଜଣାପଡ଼େ ଯେ ଗରିବଙ୍କ ପାଇଁ ପାଇଖାନା ନିର୍ମାଣ ଯୋଜନାରେ ସ୍ବଚ୍ଛତା କେତେ ରହିିଛି? ପାଇଖାନାଟିଏ ନିର୍ମାଣ ନିମନ୍ତେ ଗରିବ ହିତାଧିକାରୀମାନେ ବାରମ୍ବାର ଏହି ପଞ୍ଚାୟତ କର୍ତ୍ତୃପକ୍ଷଙ୍କ ଦ୍ୱାରସ୍ଥ ହୋଇ ନିରାଶ ହୋଇ ଫେରିଥିବା ଅଭିଯୋଗ କରିଛନ୍ତି। ଏହାପରେ ଖଣ୍ଡପଡ଼ା ବ୍ଲକ ପ୍ରଶାସନର ଦୃଷ୍ଟି ଆକର୍ଷଣ କରିଥିଲେ ମଧ୍ୟ କୌଣସି ସୁଫଳ ପାଇ ନ ଥିବା ସେମାନେ କହିିଛନ୍ତି ା ଖଣ୍ଡପଡ଼ା ବିଡିଓ ଗୌରବମୟ ପ୍ରଧାନଙ୍କୁ ଏ ସମ୍ପର୍କରେ ପଚାରିବାରୁ ଏଥିପ୍ରତି ଦୃଷ୍ଟି ଦେବେ ବୋଲି ମତ ଦେଇଛନ୍ତି।