ମୁମ୍ବାଇ: ବଲିଉଡ୍ ଅଭିନେତ୍ରୀ ମାଧୁରୀ ଦିକ୍ଷିତଙ୍କର ରହିଛି ଏକ ଭିନ୍ନ ପରିଚୟ। ତାଙ୍କ ଅଭିନୟ, ନୃତ୍ୟ ସବୁକିଛି ଦର୍ଶକଙ୍କୁ ବାନ୍ଧି ରଖିବାରେ ସହାୟକ ହୋଇଥାଏ। ବଡ ପରଦାରେ ବହୁ ହିଟ୍ ଫିଲ୍ମ ଦର୍ଶକଙ୍କୁ ଭେଟି ଦେଇଥିବା ମାଧୁରୀଙ୍କ ଆଉ ଏକ ଅଭିନୀତ ଫିଲ୍ମ ହେଉଛି ‘ଦିଲ୍’। ଏଥିରେ ତାଙ୍କ ନାୟକ ସାଜିଥିଲେ ଆମିର ଖାଁ। ମାଧୁରୀ ଦିକ୍ଷିତ ଓ ଆମିର ଖାଁଙ୍କ ଅଭିନୀତ ଏହି ଫିଲ୍ମ ସେ ସମୟରେ ବକ୍ସ ଅଫିସରେ ହିଟ୍ ହୋଇଥିଲା। ୧୯୯୦ରେ ବଡ ପରଦାରେ ରିଲିଜ୍ ହୋଇଥିବା ଏହି ଫିଲ୍ମକୁ ୧୦ ବର୍ଷ ପୂରଣ ହୋଇଯାଇଥିବେଳେ ବଲିଉଡ୍ ଧକ୍ଧକ୍ ଗର୍ଲ ମାଧୁରୀ ଦିକ୍ଷିତ କିଛି ଫଟୋ ଶେୟାର କରିଛନ୍ତି ସୋସିଆଲ ମିଡିଆରେ। ଯାହା ଦର୍ଶକଙ୍କୁ ବେଶ୍ ପସନ୍ଦ ଆସିଛି।
ମାଧୁରୀ ଯେଉଁ ଫଟୋ ଶେୟାର କରିଛନ୍ତି ସେଥିରେ ସେ ଆମରିଙ୍କ ସହ ମଜା କରୁଥିବା ଦେଖାଯାଇଛି। ଏହି ଫଟୋ ଶେୟାର କରିବା ସହ ମାଧୁରୀ ଲେଖିଛନ୍ତି, ଦିଲ୍ ଫିଲ୍ମକୁ ୩୦ ବର୍ଷ ପୁରଣ ହୋଇଛି। ଏବେବି ସେଦିନର କଥା ମନେଅଛି। ଆମିର ଓ ମୁଁ ମିଶି ବହୁତ ମଜା କରୁଥିଲୁ ଶୁଟିଂ ସେଟ୍ରେ। ସେଟ୍ରେ ବଦମାସି କରୁଥିବାରୁ ଇନ୍ଦ୍ର କୁମାର ଆମ ଉପରେ ଭୀଷଣ ରାଗୁଥିଲେ। ତେବେ ଟିମ୍ର କଠିନ ପରିଶ୍ରମଓ ଦର୍ଶକଙ୍କ ଭଲପାଇବା ଯୋଗୁ ଏହି ଫିଲ୍ମ ଭଲ ପ୍ରଦର୍ଶନ କରିଥିବା ସେ କହିଛନ୍ତି। ଏହି ଫିଲ୍ମ ପାଇଁ ତାଙ୍କୁ ପ୍ରଥମ ଫିଲ୍ମ ଫେୟାର ଆଓ୍ବାର୍ଡ ମିଳିଥିବା ସେ ଲେଖିଛନ୍ତି। ନିର୍ଦ୍ଦେଶକ ଇନ୍ଦ୍ର କୁମାରଙ୍କ ସହ କାମ କରିବାରେ ମାଧୁରୀ ୩ଟି ହିଟ୍ ଫିଲ୍ମ ଭେଟି ଦେଇଛନ୍ତି ଦର୍ଶକଙ୍କୁ। ମୁଭି ‘ଦିଲ’ ମାଧ୍ୟମରେ ଇନ୍ଦ୍ର କୁମାର ବଲିଉଡ୍ରେ ଡେବ୍ୟୁ କରିଥିଲେ।