ପାଟନା,୮।୯: ଦେଶରେ ଭିନ୍ନ ଭିନ୍ନ ସମ୍ପ୍ରଦାୟ ମଧ୍ୟରେ ଉତ୍ତେଜନା ବୃଦ୍ଧି ପାଉଥିବାବେଳେ ବିହାର ନାଳନ୍ଦା ଜିଲାର ମାଡ଼ି ଗାଁ ସାମ୍ପ୍ରଦାୟିକ ସଦ୍ଭାବର ଏକ ନିଆରା ଉଦାହରଣ ସୃଷ୍ଟି କରିଛି। ଗାଁରେ କୌଣସି ମୁସଲମାନ୍ ପରିବାର ନାହାଁନ୍ତି। ପୂର୍ବରୁ ଏଠାରେ ବାସ କରୁଥିବା ମୁସଲମାନ୍ ଅନ୍ୟତ୍ର ଚାଲିଯାଇଛନ୍ତି। ତେବେ ଏଠାରେ ଥିବା ଏକ ୨୦୦ରୁ ୨୫୦ ବର୍ଷ ପୁରାତନ ମସଜିଦ୍ର ରକ୍ଷାଣବେକ୍ଷଣ ଦାୟିତ୍ୱ ଗାଁରେ ବାସ କରୁଥିବା ହିନ୍ଦୁ ନେଇଛନ୍ତି। ପ୍ରତିଦିନ ୨ ଥର ମସଜିଦ୍ ସଫା କରାଯାଇଥାଏ। ଅଜାନ୍ ଦେବା ପାଇଁ ଗାଁ ଲୋକେ ପେନ୍ ଡ୍ରାଇଭ୍ର ସହାୟତା ନେଇଥାନ୍ତି। ମସ୍ଜିଦ୍ରେ ୫ ଥର ନମାଜ ପାଠ କରାଯାଇଥାଏ। ଯେ କୌଣସି ଶୁଭ କାର୍ଯ୍ୟ ପୂର୍ବରୁ ଗାଁ ଲୋକେ ମସଜିଦ୍କୁ ଆସିଥାନ୍ତି। ମସଜିଦ୍ ଗାଁ ଲୋକଙ୍କ ପାଇଁ ଆସ୍ଥା ଓ ବିଶ୍ୱାସର ପ୍ରତୀକ ପାଲଟିଛି।