ନୂଆଦିଲ୍ଲୀ,୮।୨(ପି.ଟି.)- ହିରୋ ଏଲିଟ୍ ଲିଗ୍ରେ ୧୮ ବର୍ଷରୁ କମ୍ ଓଡ଼ିଶା ଏଫ୍ସି ଦଳ ଶୁକ୍ରବାର ଏକ ବୃହତ୍ ବିଜୟ ହାସଲ କରିଛି। ସ୍ଥାନୀୟ ଜବାହରଲାଲ ନେହେରୁ ଷ୍ଟାଡିୟମର ଟ୍ରେନିଂ ପିଚ୍-୨ରେ ଅନୁଷ୍ଠିତ ମ୍ୟାଚ୍ରେ ଓଡ଼ିଶା ପ୍ରଭାବ ବିସ୍ତାର କରି ଖେଳିବା ସହ ୬-୦ ଗୋଲରେ କନ୍ସିଏଣ୍ଟ ଫୁଟବଲକୁ ପରାସ୍ତ କରିଛି। ଓଡ଼ିଶା ତରଫରୁ ରିଷଭ ଡୋବ୍ରିୟାଲ ସର୍ବାଧିକ ୪ଟି ଗୋଲ ସ୍କୋର କରିଥିଲେ। ସେହିପରି ଅକ୍ଷୁର୍ଣ୍ଣ ତ୍ୟାଗୀ ଦୁଇଟି ଗୋଲ ଦେଇ ଦଳକୁ ବୃହତ୍ ବିଜୟ ପ୍ରଦାନ କରିଥିଲେ। ତ୍ୟାଗୀ ସପ୍ତମ ଓ ଦ୍ୱାଦଶ ମିନିଟ୍ରେ ଗୋଲ ଦେଇଥିଲେ। ସେହିପରି ରିଷଭ ୩୨, ୩୫, ୫୭ ଓ ୭୫ତମ ମିନିଟ୍ରେ ଗୋଲ ଦେଇଥିଲେ। ତେବେ କନ୍ସିଏଣ୍ଟ ତରଫରୁ ଗୋଟିଏ ହେଲେ ଗୋଲ ସ୍କୋର ହୋଇ ନ ଥିଲା।