ସମ୍ବଲପୁର,୫।୯(ବ୍ୟୁରୋ) : ହୀରାକୁଦ ଡ୍ୟାମରୁ ଗୁରୁବାର ୧୦ ଗେଟ୍ ଦେଇ ବନ୍ୟାଜଳ ନିଷ୍କାସନ କରାଯାଉଛି। ବୁଧବାର ଦୁଇଟି ଗେଟ୍ ଖୋଲା ଥିଲା। ଗୁରୁବାର ସକାଳୁ ସା ମଧ୍ୟରେ ପର୍ଯ୍ୟାୟକ୍ରମେ ଆଉ ୮ଟି ଗେଟ୍ ଖୋଲାଯାଇଛି। ସନ୍ଧ୍ୟା ୬ଟା ସୁଦ୍ଧା ମିଳିଥିବା ରିପୋର୍ଟ ଅନୁସାରେ ପ୍ରତି ସେକେଣ୍ଡ ଡ୍ୟାମ୍ ମଧ୍ୟକୁ ୧ଲକ୍ଷ ୮୨ ହଜାର ୬୫୨ କ୍ୟୁସେକ ପାଣି ପ୍ରବେଶ କରୁଛି। ୧୦ ଗେଟ୍ ଜରିଆରେ ଡ୍ୟାମ୍ରୁ ପ୍ରତି ସେକେଣ୍ଡ ୧ଲକ୍ଷ ୮୨ ହଜାର ୬୫୨ କ୍ୟୁସେକ ପାଣି ନିଷ୍କାସିତ ହେଉଛି। ପାୱାର ଚ୍ୟାନେଲରେ ୧୮ ହଜାର ୫୪୩, ବିଭିନ୍ନ କେନାଲରେ ୨ହଜାର ୬୧୯ ଓ ଶିଳ୍ପକୁ ୧୭୦ କ୍ୟୁସେକ ଜଳ ଛଡ଼ାଯାଉଛି। ଡ୍ୟାମ୍ ତଳମୁଣ୍ଡ ବେଲଗାଁରେ ୩୪ ହଜାର, ପଥରିଆରେ ୯୩ ହଜାର ୩୬୭, ଖଇରମାଲରେ ୨ଲକ୍ଷ ୨ ହଜାର, ବରମୁଲାରେ ୧ଲକ୍ଷ ୭୭ ହଜାର ୫୦୦ ଓ ମୁଣ୍ଡଳିରେ ୨ଲକ୍ଷ ୪୦ ହଜାର ଜଳ ପ୍ରବାହିତ ହେଉଛି। ହୀରାକୁଦରେ ୧.୬, ବୁର୍ଲାରେ ୦.୬ ମିମି ବର୍ଷା ରେକର୍ଡ କରାଯାଇଛି। ମହାନଦୀ ଉପର ମୁଣ୍ଡରେ ଅଧିକ ବର୍ଷା ହୋଇଥିବାରୁ ଡ୍ୟାମ୍ ଜଳସ୍ତର ବୃଦ୍ଧି ପାଉଛି। ସା ୬ଟା ସୁଦ୍ଧା ଡ୍ୟାମ୍ ଜଳସ୍ତର ୬୨୫.୯୩ ରହିଥିବା ଡ୍ୟାମ୍ କର୍ତ୍ତୃପକ୍ଷ ସୂଚନା ଦେଇଛନ୍ତି।
