ଗୁଜରାଟର ସବୁଠୁ ଧନୀ ସହର ଭିତରେ ଗଣାହୁଏ ସୁରତ୍। ଶାଢ଼ି ଏବଂ ହୀରା ବ୍ୟବସାୟ ପାଇଁ ଏହା ବିଶ୍ୱସ୍ତରରେ ବେଶ୍ ପ୍ରସିଦ୍ଧି ଅର୍ଜନ କରିଛି। ଏବେ କିନ୍ତୁ ଏକ ଅଦ୍ଭୁତ କାର୍ନାମା କରି ରେକର୍ଡ ସୃଷ୍ଟି କରିଛି ସୁରତ୍। ଶୁଣିବାକୁ ମିଳିଛି, ଏଠାକାର ଏକ ଦୋକାନରେ ଏଭଳି ରେଜିଷ୍ଟ୍ରି କାଗଜ ପ୍ରସ୍ତୁତ କରାଯାଇଛି, ଯେଉଁଥିରେ ପ୍ରତିଟି ଲେଖାରେ ସୁନା, ରୂପା ଏବଂ ହୀରାର ଉପଯୋଗ ହୋଇଛି। ଆଶ୍ଚର୍ଯ୍ୟ ଲାଗୁଥିଲେ ବି ଏହା ସମ୍ପୂର୍ଣ୍ଣ ସତ। ଦୋକାନର ରେଜିଷ୍ଟ୍ରି କାଗଜରେ ଅଢ଼େଇ କିଲୋର ରୂପା, ୧୦ ଗ୍ରାମ୍ର ସୁନା ଏବଂ ଆର୍ଟିଫିଶିଆଲ୍ ହୀରା ବ୍ୟବହୃତ ହୋଇଛି। ଦୋକାନ ମାଲିକ ରୀତା ରାଜେନ୍ଦ୍ର କୁମାର ଚାଣ୍ଡକ୍ ଏଭଳି କାର୍ନାମା କରି ସମସ୍ତଙ୍କୁ ସ୍ତବ୍ଧ କରିଦେଇଛନ୍ତି। ଦୀପାବଳି ଅବସରରେ ସହରର ବିଭିନ୍ନ କମ୍ପାନୀ ନିଜ କର୍ମଚାରୀଙ୍କୁ ଘରଠୁ ନେଇ ଗାଡ଼ି ପର୍ଯ୍ୟନ୍ତ ଉପହାର ଦେଇଥିଲେ। ଏମିତିରେ ସମ୍ପିକୁ ନେଇ ହୋଇଥିବା ଏହି ନିଆରା ରେଜିଷ୍ଟ୍ରେସନ୍ ବିଶ୍ୱ ରେକର୍ଡରେ ସ୍ଥାନ ପାଇଛି। ରେଜିଷ୍ଟ୍ରେସନ୍ କରିଥିବା ଓକିଲଙ୍କ ମତରେ, ଏଭଳି ପ୍ରକାରର ରେଜିଷ୍ଟ୍ରେସନ୍ ଦେଶର ପ୍ରଥମ ସମ୍ପି ଦସ୍ତାବିଜ୍। ୮ ଲକ୍ଷ ମୂଲ୍ୟର ଦୋକାନ ପାଇଁ କରାଯାଇଥିବା ଏହି ରେଜିଷ୍ଟ୍ରେସନ୍ ଏବେ ଇଣ୍ଡିଆ ବୁକ୍ ରେକର୍ଡ ଟାଇଟଲ୍ ହାସଲ କରିସାରିଛି।