ଖପା୍ରଖୋଲ, ୨୭ା୧୦(ଡି.ଏନ.ଏ) – ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ମଟିଆଭଟା ପଞ୍ଚାୟତ ଅନ୍ତର୍ଗତ ପୁତୁଲାମହୁଲ ଗାଁର ଦେବରାଜ ବରିହାଙ୍କ ଝିଅ କୈକେୟୀ (୧୫)। ନବମ ଶ୍ରେଣୀର ପଢୁଛନ୍ତି। କିଛି ଦିନ ହେଲା ହୃଦ୍ରୋଗରେ ପୀଡିତ। ଗରୀବ ପରିବାର ହୋଇଥିବାରୁ ଚିକତ୍ସା ପାଇଁ ଅର୍ଥ ସାଜିଛି ବାଧକ ା ୨ ମାସ ତଳେ ପରିବାର ଲୋକେ ତାଙ୍କୁ ପ୍ରଥମେ ବଲାଙ୍ଗୀର ଓ ପରେ ବୁର୍ଲା ବଡଡାକ୍ତରଖାନାକୁ ଚିକିତ୍ସା ପାଇଁ ନେଇଥିଲେ ା ଧାରକରଜ ସହିତ ନିଜ ଚାଷ ଜମି ବନ୍ଧା ପକାଇ ଚିକିତ୍ସା କଲା ପରେ ମଧ୍ୟ ଆହୁରି ଟଙ୍କା ଆବଶ୍ୟକ ହେବାରୁ ଅନ୍ୟ ଉପାୟ ନ ପାଇ ଘରକୁ ଫେରାଇ ଆଣିଲେ ା ଏବେ କୈକେୟୀ ଘରେ ଶଯ୍ୟାଶାୟୀ, ଗୋଡ ହାତ ଫୁଲି ଯାଇଛି ା ଚିକିତ୍ସା ପାଇଁ ଟଙ୍କା ଆବଶ୍ୟକ ା ଯାହା ସମ୍ପତ୍ତି ଥିଲା ଝିଅର ଚିକିତ୍ସାରେ ସାରି ଦେଇଥିବାବେଳେ ଏବେ ଦେବରାଜ ସରକାରୀ କିମ୍ବା ବଦାନ୍ୟ ବ୍ୟକ୍ତିଙ୍କ ସହାୟତାକୁ ଚାହିଁ ବସିଛନ୍ତି। କୈକେୟୀଙ୍କ ସମ୍ପର୍କରେ ଖବର ପାଇ ଖପ୍ରାଖୋଲ ଗୋଷ୍ଠୀ ଉନ୍ନୟନ ଅଧିକାରୀ ତରଣୀ ସୁନା, ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଡା.ଦିଲୀପ କୁମାର ପଧାନ, ସରପଞ୍ଚ ନରସିଂହ ସାହୁ, ଜିଆରଏସ ନୀଳମଣି ଜାଲ ପ୍ରମୁଖ କୈକେୟୀଙ୍କ ଘରେ ପହଞ୍ଚି ୫ହଜାର ଟଙ୍କା ପ୍ରଶାସନ ତରଫରୁ ଦେଇଛନ୍ତି। ଏ ନେଇ ଗୋଷ୍ଠୀ ଉନ୍ନୟନ ଅଧିକାରୀ ସୁନାଙ୍କୁ ପଚାରିବାରୁ କୈକେୟୀଙ୍କ ଉଚ୍ଚତର ଚିକତ୍ସା ପାଇଁ ସ୍ବାସ୍ଥ୍ୟ ବିଭାଗ ସହାୟତାରେ କଟକ ବଡ ମେଡିକାଲକୁ ପଠାଯିବ ବୋଲି କହିଛନ୍ତି।