ଚିକିତ୍ସା ବିଜ୍ଞାନ ଦିନକୁ ଦିନ ନୂଆ ନୂଆ ତଥ୍ୟ ଲୋକଲୋଚନକୁ ଆଣୁଛି। କେବଳ ସେତିକି ନୁହେଁ, ବିଭିନ୍ନ ରୋଗର ନିଦାନ ପାଇଁ ନୂଆ ତଥା ସରଳ ଚିକିତ୍ସା ପ୍ରଣାଳୀକୁ ଚିକିତ୍ସକମାନେ ଅନୁସରଣ କରୁଛନ୍ତି। ନିକଟରେ ଭାରତ ଏବଂ ଅଷ୍ଟ୍ରେଲିଆର ଗବେଷକମାନେ ଏପରି ଏକ ସଫଳତା ହାସଲ କରିଛନ୍ତି,ଯାହା ହୃଦ୍ରୋଗୀଙ୍କ ପାଇଁ ବେଶ୍ ଉପକାରୀ ସାବ୍ୟସ୍ତ ହେବ ବୋଲି ଆକଳନ କରାଯାଇଛି। ବିଶେଷଭାବରେ ଗଁା ଗହଳିରେ ରହୁଥିବା ହୃଦ୍ରୋଗୀ ଏହାଦ୍ୱାରା ଅଧିକ ଉପକୃତ ହେବେ ବୋଲି ସେମାନେ ଦୃଢ଼ୋକ୍ତି ପ୍ରକାଶ କରିଛନ୍ତି। ସେମାନେ ଏପରି ଏକ ମୋବାଇଲ ଆପ୍ ପ୍ରସ୍ତୁତ କରିଛନ୍ତି, ଯାହା ହୃଦ୍ରୋଗୀଙ୍କ ପାଇଁ ବେଶ୍ ସହାୟକ ହୋଇପାରିବ। ଏହି ମୋବାଇଲ ଆପ୍ଲିକେଶନ ବେସ୍ଡ ସିଷ୍ଟମକୁ ବି ପରୀକ୍ଷା କରାଯାଇଛି ଏବଂ ତାହା ଗାଁରେ ରହୁଥିବା ସ୍ବାସ୍ଥ୍ୟକର୍ମୀ ଏପରି କି ଡାକ୍ତରଙ୍କୁ ଏହି ଆପ୍ ଅନେକାଂଶରେ ସାହାଯ୍ୟ କରିପାରିବ। କେବଳ ହୃଦ୍ରୋଗ ନୁହେଁ, ଉଚ୍ଚ ରକ୍ତଚାପ ରୋଗୀଙ୍କୁ ଏହି ଆପ୍ ଦ୍ୱାରା ଚିହ୍ନଟ କରାଯାଇପାରିବ। ଏହି ଆପ୍ କ୍ଲିନିକାଲ ଡିସିସନ୍ ସପୋର୍ଟ ସିଷ୍ଟମରେ ରହିଛି, ଯାହାକୁ ଆଣ୍ଡ୍ରଏଡ ୍ଫୋନ୍ରେ ଲୋଡ୍ କରିହେବ। ରୋଗୀ ଯଦି ଅଧିକ ବିପଦରେ ଥାନ୍ତି ଓ ଜରୁରୀ ଚିକିସତ୍। ଦରକାର କରୁଥାନ୍ତି ତେବେ ସିଷ୍ଟମରେ ଥିବା ତତ୍କ୍ଷଣାତ ଡାକ୍ତର କିମ୍ବା ସ୍ବାସ୍ଥ୍ୟକର୍ମୀଙ୍କୁ ଜଣାଇଦେବ। ଏଥିରେ ରହିଥିବା ଇଣ୍ଟରଆକ୍ଟିଭ ଭଏସ୍ ସିଷ୍ଟମ ମାଧ୍ୟମରେ ରୋଗୀ କେତେବେଳେ ଓଷଧ ସେବନ କରିବେ ଓ ଚିକିସତ୍କଙ୍କ ପରାମର୍ଶ ନେବେ ସେ ସମ୍ପର୍କରେ ମଧ୍ୟ ଜାଣିହେବ।