ଅନୁଗୋଳ ଅଫିସ, ୪।୯- ଅନୁଗୋଳ ପୌରପାଳିକାରେ ୯ ବର୍ଷ ହେଲା ଠିକାରେ କାର୍ଯ୍ୟ କରୁଥିବା ୨୨ ଜଣ କର୍ମଚାରୀଙ୍କ ଭବିଷ୍ୟତ ଏବେ ଅନ୍ଧକାର ହୋଇଯାଇଛି। ଠିକା ସଂସ୍ଥା ସହ ପୌରପାଳିକା କରିଥିବା ଚୁକ୍ତିର ଅବଧି ଗତ ଅଗଷ୍ଟ ୩୧ରେ ଶେଷ ହୋଇଯାଇଥିଲେ ବି ତାହାର ନବୀକରଣ କିମ୍ବା ପୁନଃ ଟେଣ୍ଡର କରାଯାଇନାହିଁ। ଫଳରେ ସମ୍ପୃକ୍ତ କର୍ମଚାରୀମାନେ ୩ ଦିନ ହେଲା ଅଫିସ ଆସିପାରୁ ନାହାନ୍ତି। ଏପରି କି ପୌର ପ୍ରଶାସନ ପକ୍ଷରୁ ସେମାନଙ୍କୁ ୫ ମାସର ଦରମା ଦିଆଯାଇ ନ ଥିବା ଠିକା କର୍ମଚାରୀମାନେ ଅଭିଯୋଗ କରିଛନ୍ତି। ଏ ନେଇ ବୁଧବାର ସେମାନେ ପୌର ପ୍ରଶାସକ ଦାୟିତ୍ୱରେ ଥିବା ଜିଲାପାଳ ଓ ଶ୍ରମ ଅଧିକାରୀଙ୍କ ଦ୍ୱାରସ୍ଥ ହେବେ ବୋଲି କହିଛନ୍ତି।
ଠିକା କର୍ମଚାରୀ ଜିତୁ ବେହେରା, ପ୍ରଫୁଲ୍ଲ ଗୋଚ୍ଛାୟତ, ଦୀପକ ସାହୁ, ପ୍ରକାଶ ସାହୁ, ପୂର୍ଣ୍ଣଚନ୍ଦ୍ର ସାହୁ, ଦାଶରଥୀ ଗୋଚ୍ଛାୟତଙ୍କ କହିବା ଅନୁଯାୟୀ, ୨୦୧୦ରୁ ସେମାନେ ଅନୁଗୋଳ ପୌରପାଳିକାର ଇଞ୍ଜିନିୟରିଂ ବିଭାଗ, ସୁରକ୍ଷା, ବିଦ୍ୟୁତ୍ ବିଭାଗ, ମ୍ୟୁଜିକ ଶିକ୍ଷକ, ଟଲି ଓ ଟ୍ରାକ୍ଟର ଚାଳକ ଭାବେ କାର୍ଯ୍ୟ କରୁଥିଲେ। କିନ୍ତୁ ଅଗଷ୍ଟ ୩୧ରୁ ସେମାନଙ୍କ