ନୂଆଦିଲ୍ଲୀ: ଲକ୍ଡାଉନ୍ ସମୟରେ ଘରେ ରହିବା ଫଳରେ କିଛି ଲୋକଙ୍କର କ୍ରିଏଟିଭିଟି ବେଶ୍ ଉତ୍ସାହପୂର୍ଣ୍ଣ ହୋଇପାରିଛି। ଏଇ ଯେମିତି ଏବେ ଚୁଟି କାଟିବାର ଏକ ସ୍ବତନ୍ତ୍ର ଷ୍ଟାଇଲ୍ ଦେଖି ଲୋକେ ବେଶ୍ ପ୍ରଭାବିତ ହୋଇ ପାରିଛନ୍ତି। ଇଣ୍ଟରନେଟ୍ରେ ଏବେ ଏହି ଚୁଟି କାଟିବା ଶୈଳୀ ଭାଇରାଲ୍ ହେବାରେ ଲାଗିଛି। ଭିଡ଼ିଓରେ ଜଣେ ବ୍ୟକ୍ତି ସ୍ବତନ୍ତ୍ର ଢଙ୍ଗରେ ନିଜେ ଅତି ସହଜରେ ଚୁଟି କାଟୁଛନ୍ତି। ତେବେ ଚୁଟି କାଟିବା ପାଇଁ ସେ ହାତର ବ୍ୟବହାର କରୁନାହାନ୍ତି, ବରଂ ଏକ ବ୍ଲେଡ୍ ଏବଂ ପାନିଆ ସହିତ ଏକ ପେପର କ୍ଲିପ୍ ବ୍ୟବହାର କରି ଭିନ୍ନ ଢଙ୍ଗରେ ଚୁଟି କାଟୁଛନ୍ତି। ପ୍ରଥମେ ସେ ପାନିଆରେ ସମାନ ଭାବରେ ଏକ ବ୍ଲେଡକୁ ରଖି ପେପର କ୍ଲିପ୍ ଲଗାଇ ଦେଉଛନ୍ତି। ଏହା ପରେ ବ୍ଲେଡ୍ ଥିବା ପଟକୁ ଉପରକୁ ରଖି ମୁଣ୍ଡ କୁଣ୍ଡାଇ ଆଣିଲେ ଆପେ ଆପେ କେଶ କାଟି ହୋଇଯିବ। ଧୀରେ ଧୀରେ ଏହିଭଳି ସବୁପଟରୁ ମୁଣ୍ଡ କୁଣ୍ଡାଇ ଆଣିଲେ ସମ୍ପୂର୍ଣ୍ଣଭାବେ ଏକ ସାଇଜ୍ରେ ଚୁଟି କାଟିବା ହୋଇଯିବ। ଚୁଟି କାଟିବାର ଏହି ଷ୍ଟାଇଲ୍ ଏବେ ଲୋକଙ୍କୁ ଆଶ୍ଚର୍ଯ୍ୟ ମଧ୍ୟ କରିଛି। ସେଥିପାଇଁ ଏହି ଭିଜୁଆଲ୍ଟି ପୋଷ୍ଟ ହେବାର ମାତ୍ର ୨ ଦିନ ଭିତରେ ୪୫ହଜାର ଲୋକ ଦେଖି ସାରିଛନ୍ତି। ଏଭଳି ଚୁଟି କାଟିବା ଷ୍ଟାଇଲ୍କୁ ଲୋକେ ଖୁବ୍ ପ୍ରଶଂସା ବି କରିଛନ୍ତି।
