ମୁମ୍ବାଇ,୮।୧୧: ମହାରାଷ୍ଟ୍ରରେ ରାଜନୈତିକ ଜାରି ରହିଛି। ରାଜ୍ୟରେ ବିଧାନସଭା କାର୍ଯ୍ୟକାଳ ଶନିବାର ସରୁଥିବାବେଳେ ଏପର୍ଯ୍ୟନ୍ତ ମୁଖ୍ୟମନ୍ତ୍ରୀ ପଦକୁ ନେଇ ଉଭୟ ଭାଜପା ଏବଂ ଶିବସେନା ମଧ୍ୟରେ ଆଲୋଚନା ଜାରି ରହିଛି। ଏସବୁ ଭିତରେ ବିଧାୟକଙ୍କୁ ଭାଜପା କାଳେ କିଣିନେବ ଏହି ଭୟରେ ଶିବସେନା ନିଜ ବିଧାୟକଙ୍କ ବାଦ୍ରାର ଏକ ଘରୋଇ ହୋଟେଲରେ ରଖାଯାଇଛି। ଶୁକ୍ରବାର ଶିବସେନା ନେତା ଆଦିତ୍ୟ ଠାକରେ ବିଧାୟକଙ୍କୁ ଭେଟିବାକୁ ହୋଟେଲ ଯାଇଥିବା ଜଣାପଡିଛି। ବରିଷ୍ଠ ଶିବସେନା ନେତା ସଞ୍ଜୟ ରାଉତ ଗୁରୁବାର କହିଥିଲେ, ଭାଜପା ବର୍ତ୍ତମାନ ଏଭଳି ସ୍ଥିତି ସୃଷ୍ଟି କରୁଛି ଯାହାଫଳରେ ମହାରାଷ୍ଟ୍ରରେ ରାଷ୍ଟ୍ରପତି ଶାସନ ଜାରି ହୋଇପାରିବ। ସରକାର ଗଠନରେ ବିଳମ୍ବ କରାଇ ଭାଜପା ଏପରି କରୁଛି। ରାଜ୍ୟର ମୁଖ୍ୟମନ୍ତ୍ରୀ କେବଳ ଉଦ୍ଧବ ଠାକ୍ରେଙ୍କ ନେତୃତ୍ୱରେ ଥିବା ଦଳରୁ ହିଁ ହେବେ ବୋଲି ରାଉତ କହିଛନ୍ତି।
