ନୂଆଦିଲ୍ଲୀ,୧୦।୩- ଭାରତୀୟ କ୍ରିକେଟ ଜଗତ ମଙ୍ଗଳବାର ହୋଲି ଅବସରରେ ଫ୍ୟାନମାନଙ୍କୁ ଶୁଭେଚ୍ଛା ଜଣାଇଛି। ଭାରତୀୟ ଅଧିନାୟକ ବିରାଟ କୋହଲି ଟୁଇଟ୍ କରିଛନ୍ତି। ସୁରକ୍ଷିତ ଭାବେ ହୋଲି ପାଳନ କରନ୍ତୁ। ଏହି ରଙ୍ଗର ପର୍ବ ସଭିଙ୍କ ଜୀବନରେ ସୁଖ ଆଣିଦେଉ ବୋଲି କୋହଲି ଟୁଇଟ୍ କରିଛନ୍ତି। ସେହିଭଳି କିମ୍ବଦନ୍ତୀ ସଚିନ ତେନ୍ଦୁଲକର ଟୁଇଟର ପୋଷ୍ଟରେ ଲେଖିଛନ୍ତି, ଦେଶବାସୀଙ୍କୁ ହୋଲି ପାଇଁ ଶୁଭେଚ୍ଛା। ଏହି ପର୍ବ ସଭିଙ୍କ ଜୀବନରେ ରଙ୍ଗ ଭରି ଦେଉ। ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଓ ତାଙ୍କ ଭାଇ କ୍ରୁନାଲ ହୋଲିର କିଛି ଫଟୋ ଶେୟାର କରି ପ୍ରଶଂସକଙ୍କୁ ଶୁଭେଚ୍ଛା ଜଣାଇଛନ୍ତି। ଏହି ତାଲିକାରେ ପୂର୍ବତନ ବ୍ୟାଟ୍ସମ୍ୟାନ ଭିଭିଏସ୍ ଲକ୍ଷ୍ମଣ ମଧ୍ୟ ରହିଛନ୍ତି।