ଜାମାଇକା, ୨।୧- ଆୟର୍ଲାଣ୍ଡ ବିପକ୍ଷ ଆଗାମୀ ଦିନିକିଆ ସିରିଜର ପ୍ରଥମ ଦୁଇ ମ୍ୟାଚ୍ ଲାଗି ଗୁରୁବାର ଓ୍ବେଷ୍ଟଇଣ୍ଡିଜ କ୍ରିକେଟ୍ ଦଳ ଘୋଷଣା କରାଯାଇଛି। ଓ୍ବେଷ୍ଟଇଣ୍ଡିଜ ଟେଷ୍ଟ ଅଧିନାୟକ ଜାସନ ହୋଲ୍ଡରଙ୍କୁ ପ୍ରଥମ ୨ଟି ଦିନିକିଆ ମ୍ୟାଚ୍ରୁ ବିଶ୍ରାମ ଦିଆଯାଇଛି। ତେବେ ଭାରତ ବିପକ୍ଷ ଗତ ଦିନିକିଆ ସିରିଜ ଖେଳିଥିବା ଓ୍ବେଷ୍ଟଇଣ୍ଡିଜ ଦଳର ବାକି ସମସ୍ତ ଖେଳାଳିଙ୍କୁ ସୁଯୋଗ ମିଳିଛି। ‘ଗତ ବର୍ଷ ହୋଲ୍ଡରଙ୍କ ଉପରେ ଅତ୍ୟଧିକ କାର୍ଯ୍ୟଭାର ରହିଥିବାରୁ ଏହି ନିଷ୍ପତ୍ତି ନିଆଯାଇଛି’ ବୋଲି ଓ୍ବେଷ୍ଟଇଣ୍ଡିଜ ଚୟନକର୍ତ୍ତା ରୋଜର ହାର୍ପର କହିଛନ୍ତି। ଆୟର୍ଲାଣ୍ଡ କ୍ରିକେଟ୍ ଦଳ ଓ୍ବେଷ୍ଟଇଣ୍ଡିଜ ଗସ୍ତରେ ଆସି ୩ଟି ଲେଖାଏ ଦିନିକିଆ ଓ ଟି୨୦ ମ୍ୟାଚ୍ ଖେଳିବାର କାର୍ଯ୍ୟସୂଚୀ ରହିଛି। ଜାନୁୟାରୀ ୭ରୁ ଦିନିକିଆ ସିରିଜର ପ୍ରଥମ ମ୍ୟାଚ୍ ବାର୍ବାଡସରେ ଖେଳାଯିବ। ସେହିଭଳି ଜାନୁୟାରୀ ୧୫ରୁ ଟି୨୦ ସିରିଜ ଆରମ୍ଭ ହେବ।
ଓ୍ବେଷ୍ଟଇଣ୍ଡିଜ ଦଳ(ପ୍ରଥମ ୨ଟି ଦିନିକିଆ ପାଇଁ)- କିରନ ପୋଲାର୍ଡ (ଅଧିନାୟକ), ସୁନିଲ ଆମ୍ବ୍ରିସ, ରୋଷ୍ଟନ ଚେଜ୍, ଶେଲଡନ୍ କୋଟ୍ରେଲ, ଶିମରନ ହେଟ୍ମେର, ଶାଇ ହୋପ୍, ଅଲଜାରୀ ଜୋସେଫ୍, ବ୍ରେଣ୍ଡନ କିଙ୍ଗ୍, ଏଭିନ୍ ଲୁଇସ, କେମୋ ପଲ୍, ଖାରୀ ପିଏରେ, ନିକୋଲାସ ପୁରାନ, ରୋମାରିଓ ଶେଫର୍ଡ ଓ ହେଡେନ ଓ୍ବାଲ୍ସ ଜୁନିୟର।