ଅହମଦାବାଦ,୨୪।୨: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପରିବାର ସହ ସୋମବାର ଭାରତ ଗସ୍ତରେ ଆସିଛନ୍ତି। ତାଙ୍କ ସହ ଅଛନ୍ତି ଆମେରିକାର ଫାଷ୍ଟ ଲେଡି ମେଲାନିଆ ଟ୍ରମ୍ପ। ଦିନ ପ୍ରାୟ ୧୨ଟାରେ ଟ୍ରମ୍ପ ଦମ୍ପତି ଝିଅ-ଜ୍ୱାଇଁଙ୍କ ସହ ମିଶି ଗୁଜରାଟ ଅହମଦାବାଦର ସର୍ଦ୍ଦାର ବଲ୍ଲଭଭାଇ ପଟେଲ ଇଣ୍ଟରନ୍ୟାଶନାଲ ଏୟାର ପୋର୍ଟରେ ପହଞ୍ଚିବା ପରେ ତାଙ୍କୁ ଭାରତୀୟ ରୀତିନୀତି ଅନୁଯାୟୀ ସ୍ବାଗତ କରାଯାଇଥିଲା। ଶଙ୍ଖ ଧ୍ୱନୀ ସହ ଢୋଲ ବାଜିବାର ଶବ୍ଦ ଏକ ଭିନ୍ନ ପରିବେଶ ସୃଷ୍ଟି କରିଥିଲା। ଟ୍ରମ୍ପ ଡାର୍କ ବ୍ଲୁ କଲର ଡ୍ରେସ୍ ସହ ହଳଦିଆ ଟାଇ ପିନ୍ଧିଥିବା ବେଳେ ଆମେରିକାର ଫାଷ୍ଟ ଲେଡି ହ୍ବାଇଟ୍ କଲର ଜମ୍ପଶୁଟ୍ରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ।