ସମ୍ବଲପୁର,୧୫।୫ (ବ୍ୟୁରୋ): ସମ୍ବଲପୁର ପୋଲିସ ଲକ୍ଡାଉନ୍ ସମ୍ପର୍କରେ ଠିକ୍ ସୂଚନା ଦେବା ପାଇଁ ଏକ ହ୍ବାଟ୍ସଆପ ନମ୍ବର (୯୪୩୮୯୧୬୫୫୦) ସର୍ବସାଧାରଣ କରିଛି। ଏହା କେବଳ ଦିନ ୧୧ଟାରୁ ୧୨ ପର୍ଯ୍ୟନ୍ତ ଖୋଲା ରହୁଛି। ନିଜେ ଏସ୍ପି କନୱର ବିଶାଳ ସିଂ ଏହାକୁ ପରିଚାଳନା କରୁଛନ୍ତି। ଲକ୍ଡାଉନକୁ ନେଇ କୌଣସି ଲୋକଙ୍କ ମଧ୍ୟରେ କିଛି ଦ୍ୱନ୍ଦ୍ୱ ବା ସନ୍ଦେହ ଆସିଲେ ସେମାନେ ସିଧାସଳଖ ଏଥିରେ କୌଣସି ପ୍ରଶ୍ନ ପଚାରି ପାରିବେ। ନିଜେ ଏସ୍ପି ଏହାର ଉତ୍ତର ସେହି ନମ୍ବରକୁ ଦେବେ। ଗୁରୁବାର ପ୍ରଥମ ଦିନରେ ୨୮ ଓ ଶୁକ୍ରବାର ୫୨ ଜଣ ପ୍ରଶ୍ନ କରି ଉତ୍ତର ପାଇଛନ୍ତି। ଏ ସମ୍ପର୍କରେ ଏସ୍ପି ସିଂ କହିଛନ୍ତି ଯେ, ଅନେକ ସମୟରେ ଜନସାଧାଣ ଲକଡାଉନ ଓ କଟକଣା ଉପରେ ଠିକ ସୂଚନା ପାଉ ନ ଥିଲେ । ସେମାନେ ସୋସିଆଲ ମିଡିଆରେ ଭୁଲ ତଥ୍ୟ ପାଇ ହଇରାଣ ହରକତ ହେଉଥିଲେ। ଏଣୁ ଲୋକଙ୍କୁ ସହଯୋଗ କରିବା ପାଇ ଏଭଳି ବ୍ୟବସ୍ଥା କରାଯାଇଛି।