ଯେଉଁ ବ୍ୟକ୍ତି ଦୁର୍ବଳତାକୁ ନିଜ ଶକ୍ତି କରିପାରେ ସେ ହିଁ ଆକାଶ ଛୁଇଁପାରେ। ସେମିତି ଜଣେ ବ୍ୟକ୍ତି ହେଉଛନ୍ତି ବ୍ରିଟେନ୍ର ପୂର୍ବତନ ସୈନିକ ମାର୍ଟିନ ଟୟ। ୨୧ ବର୍ଷ ବୟସରେ ସେ ଆର୍ମିରେ ଯୋଗ ଦେଇଥିଲେ। ୨୦୦୯ରେ ତାଙ୍କ ପୋଷ୍ଟିଂ ଆଫଗାନିସ୍ତାନରେ ହୋଇଥିଲା। ସେତେବେଳେ ଜଣେ ବମର ତାଙ୍କ ଉପରେ ଆକ୍ରମଣ କରିଥିଲେ। ସେଥିରେ ତାଙ୍କ ଗୋଡ଼ ପକ୍ଷାଘାତର ଶିକାର ହୋଇଗଲା। ଏବେ ହ୍ବିଲ ଚେୟାରରେ କଟେ ତାଙ୍କ ସମୟ। ହେଲେ ସେ ନିଜକୁ କେବେ ଅକ୍ଷମ ବୋଲି ଭାବି ନାହାନ୍ତି। ଆଉ ଏମିତି କିଛି କରିବାକୁ ଚାହୁଁଥିଲେ ଯଦ୍ଦ୍ବାରା ସେ ସମସ୍ତଙ୍କ ପାଇଁ ଉଦାହରଣ ପାଲଟିବେ। ବହୁ ଚେଷ୍ଟାକରି ସେ ଚେୟାରରେ ବସି ବସି ୫୦୫ କି.ଗ୍ରା. ଓଜନ ଉଠାଇ ବିଶ୍ୱ ରେକର୍ଡ କଲେ। ୨୦୧୭ର ଓ୍ବାର୍ଲଡସ୍ ଷ୍ଟ୍ରଙ୍ଗ୍ମ୍ୟାନ୍ ଏଡି ହଲ୍ଙ୍କଠାରୁ ସେ ଅଧିକ ଓଜନ ଉଠାଇ ଉକ୍ତ ରେକର୍ଡ କରିବାରେ ସଫଳ ହେଲେ। ଆଉ ଦେଖାଇଦେଲେ ଦିବ୍ୟାଙ୍ଗ ବ୍ୟକ୍ତି ବି ଅସମ୍ଭବକୁ ସମ୍ଭବ କରିପାରିବେ।