ମୁମ୍ବାଇ: ବଲିଉଡ୍ ସୁପର ଷ୍ଟାର ହ୍ରିତିକ ରୋଶନ ଶୁକ୍ରବାର ୪୬ ବର୍ଷରେ ପଦାର୍ପଣ କରିଛନ୍ତି। ସେ ୧୯୭୪ ଜାନୁୟାରୀ ୧୦ରେ ମୁମ୍ବାଇଠାରେ ଜନ୍ମଗ୍ରହଣ କରିଥିଲେ। ସଞ୍ଜୟ ଖାଁଙ୍କ ସୁପୁତ୍ରୀ ସୁଜେନ୍ ଖାଁଙ୍କ ସହିତ ସେ ୨୦୦୦ରେ ପ୍ରେମ ବିବାହ କରିଥିଲେ। ତେବେ ଫିଲ୍ମ ସେଟ୍ରେ ଅନ୍ୟ ଅଭିନେତ୍ରୀଙ୍କ ସହିତ ପ୍ରେମ ସମ୍ପର୍କ ଯୋଗୁ ସୁଜେନ-ହ୍ରିତିକଙ୍କ ଦାମ୍ପତ୍ୟ ଜୀବନରେ ଝଡ଼ ଦେଖାଦେଇଥିଲା । ପାରିବାରିକ ତିକ୍ତତା ଯୋଗୁ ୨୦୧୪ରେ ଦୁହିଁଙ୍କ ମଧ୍ୟରେ ବିବାହ ବିଚ୍ଛେଦ ଘଟିଥିଲା। ଫିଲ୍ମ ସେଟ୍ରେ ବାରବରା ମୋରିଙ୍କ ସହିତ ହ୍ରିତିକଙ୍କ ସମ୍ପର୍କ ନେଇ ବଲିଉଡ୍ରେ ବେଶ୍ ଚର୍ଚ୍ଚା ହୋଇଥିଲା। ଏହାପରେ କିଛି ସମୟ ପାଇଁ କଙ୍ଗନା ରାଣାଓ୍ବତ୍ଙ୍କ ସହିତ ମଧ୍ୟ ହ୍ରିତିକଙ୍କ ସମ୍ପର୍କ ଥିବା ନେଇ କେତେକ କହୁଥିଲେ। ସେମାନେ ଡେଟିଂରେ ଯାଉଥିବାର ଖବର ଶୁଣିବାକୁ ମିଳିଥିଲା। ମହେଞ୍ଜୋଦାର ଫିଲ୍ମ ଅଭିନେତ୍ରୀ ପୂଜା ହେଗ୍ଡେଙ୍କ ସହିତ ହ୍ରିତିକଙ୍କ ସମ୍ପର୍କ ନେଇ ବଲିଉଡ୍ରେ କିଛି ସମୟ ପାଇଁ ବେଶ୍ ଉଷ୍ଣତା ମଧ୍ୟ ରହିଥିଲା।