ବିଶ୍ୱର ସବୁଠୁ ବିତ୍ତଶାଳୀ କ୍ରିକେଟ ଟି୨୦ ଲିଗ୍ ଆଇପିଏଲରେ ହ୍ୟାଟ୍ରିକ ଟାଇଟଲ ହାତେଇଥିବା ଜଣେ ଖେଳାଳି ରହିଛନ୍ତି। ସେ ହେଉଛନ୍ତି ଲେଗ୍ ସ୍ପିନର କର୍ନ ଶର୍ମା। ସେ ୨୦୧୬, ୨୦୧୭ ଓ ୨୦୧୮ରେ ଭିନ୍ନ ଭିନ୍ନ ଫ୍ରାଞ୍ଚାଇଜ ପାଇଁ ଖେଳି ଆଇପିଏଲ ଟାଇଟଲ ଜିତିଥିଲେ। ୨୦୧୬ରେ ସେ ଆଇପିଏଲ ଚାମ୍ପିୟନ ସନରାଇଜର୍ସ ହାଇଦ୍ରାବାଦ ଦଳର ସଦସ୍ୟ ଥିଲେ। ତା’ ପର ବର୍ଷ ୨୦୧୭ରେ ମୁମ୍ବାଇ ଇଣ୍ଡିଆନ୍ସ ଓ ୨୦୧୮ରେ ଚେନ୍ନାଇ ସୁପର କିଙ୍ଗ୍ସ ଦଳ ପକ୍ଷରୁ ପ୍ରତିନିଧିତ୍ୱ କରିଥିଲେ। ୨୦୧୭ରେ ରୋହିତ ଶର୍ମାଙ୍କ ନେତୃତ୍ୱରେ ସେ ୯ ମ୍ୟାଚ୍ ଖେଳି ୧୩ ଉଇକେଟ ନେଇଥିଲେ। ଏହି ଡାହାଣହାତୀ ସ୍ପିନରଙ୍କୁ ମହେନ୍ଦ୍ର ସିଂ ଧୋନୀ ୨୦୧୮ରେ କେବଳ ୬ ମ୍ୟାଚ୍ରେ ଖେଳିବାକୁ ସୁଯୋଗ ଦେଇଥିଲେ। ଆଉ ସେ ମାତ୍ର ୪ ଉଇକେଟ ନେଇଥିଲେ। ସିଏସ୍କେ ଦଳରେ ହରଭଜନ ସିଂଙ୍କ ଭଳି ଅଭିଜ୍ଞ ସ୍ପିନର ଥିବାରୁ କର୍ନଙ୍କୁ କମ୍ ସୁଯୋଗ ମିଳିଥିଲା। ସେ ଏବେ ସିଏସ୍କେ ଦଳରେ ଅଛନ୍ତି। ଯାହା ବି ହେଲେ ହ୍ୟାଟ୍ରିକ ଆଇପିଏଲ ଟାଇଟଲ ହାତେଇବାରେ ସେ ଏକମାତ୍ର ଖେଳାଳି।