ଆବୁଧାବି,୩।୫: କରୋନା ସଂକ୍ରମଣ ନେଇ ସାରା ପୃଥିବୀରେ ଆତଙ୍କ ଦେଖାଦେଇଛି। ଏହାକୁ ରୋକିବା ପାଇଁ ବହୁ ଦେଶରେ ଲକ୍ଡାଉନ୍ ଜାରି ରହିଛି। ଏପରିସ୍ଥଳେ ୟୁଏଇରୁ ସ୍ବଦେଶ ଫେରିବାକୁ ଚାହୁଁଥିବା ଦେଢ଼ ଲକ୍ଷରୁ ଅଧିକ ଭାରତୀୟ ପଞ୍ଜିକରଣ କରିଛନ୍ତି। ଏନେଇ ୟୁଏଇରେ ଥିବା ଭାରତୀୟ ବାଣିଜି୍ୟକ ଦୂତାବାସ ପକ୍ଷରୁ ସୂଚନା ଦିଆଯାଇଛି। ଘର ବାହୁଡ଼ିବାକୁ ଚାହୁଁଥିବା ପ୍ରାୟ ୪୦ ପ୍ରତିଶତ ଭାରତୀୟ ଇତିମଧ୍ୟରେ ନିଜର ଚାକିରି ହରାଇଥିବା କୁହାଯାଉଛି। ପଞ୍ଜିକରଣ କରିଥିବା ଭାରତୀୟଙ୍କ ମଧ୍ୟରେ ୨୦ ପ୍ରତିଶତ ପେଶାଦାର କର୍ମଚାରୀ ରହିଛନ୍ତି। ଲକ୍ଡାଉନ୍ ଯୋଗୁ ସେମାନେ ଚାକିରି ହରାଇଛନ୍ତି। ପଞ୍ଜିକରଣ କରିଥିବା ଭାରତୀୟଙ୍କ ମଧ୍ୟରେ ୫୫ ପ୍ରତିଶତ କେରଳର ବୋଲି ଭାରତୀୟ ବାଣିଜି୍ୟକ ଦୂତାବାସ ପକ୍ଷରୁ କୁହାଯାଇଛି।