ଛତ୍ରପୁର,୧୫ା୯(ଡି.ଏନ.ଏ)-ଦଶ ଚକିଆ ଟ୍ରକରେ ବ୍ୟାଟେରି ସହ ଗଞ୍ଜେଇକୁ ଆନ୍ଧ୍ରରୁ ଓଡିଶା ଦେଇ ଉତ୍ତରପ୍ରଦେଶ ଚାଲାଣ ମାମଲାରେ ସମ୍ପୃକ୍ତ ୨ ଭାଇଙ୍କୁ ପୋଲିସ ଗିରଫ କରିଛିି ା ଏମାନେ ହେଲେ ଉତ୍ତରପ୍ରଦେଶ ରାଜ୍ୟ ଏଟା ଜିଲା ପିଲୁୱା ଥାନା ଅଞ୍ଚଳର ଅଲି ହସନ ଓ ମହେନ୍ଦି ହସନ ା ଏମାନଙ୍କୁ ଶନିବାର କୋର୍ଟ ଚାଲାଣ କରାଯାଇଥିବା ଛତ୍ରପୁର ଥାନା ଆଇଆଇସି ପ୍ରିୟସ ରଞ୍ଜନ ଛୋଟରାୟ ସୂଚନା ଦେଇଛନ୍ତିା ପୂର୍ବରୁ ଛତ୍ରପୁର ପୋଲିସ ଦ୍ୱାରା ଜବତ ବ୍ୟାଟେରି ସହ ଗଞ୍ଜେଇ ବୋଝେଇ ଦଶ ଚକିଆ ଗାଡି ମାଲିକ ଅଲୀ ବୋଲି ଜଣାପଡିଛି ା ଉକ୍ତ ୨ ଭାଇ ନିଜ ଗାଡି (ନଂ-ୟୁପି-୮୨ପି-୯୯୩୪)ରେ ବ୍ୟାଟେରି ସହ ଗଞ୍ଜେଇ ରଖି ଆନ୍ଧ୍ରରୁ ଓଡିଶା ଦେଇ ଉତ୍ତରପ୍ରଦେଶ ଚାଲାଣ କରୁଥିବା ଛତ୍ରପୁର ପୋଲିସ ତଦନ୍ତ ବେଳେ ଜାଣିପାରିଛି ା
ମାର୍ଚ୍ଚ ୨୩ରେ ଏକ ଦଶଚକିଆ ଗାଡିରେ ଗଞ୍ଜେଇ ଚାଲାଣ ହେଉଥିବା ନେଇ ଆନ୍ଧ୍ର ପୋଲିସ ପକ୍ଷରୁ ଗଞ୍ଜାମ ଏସ୍ପିଙ୍କ ନିକଟକୁ ଏକ ଫୋନ୍ କଲ୍ ଆସିଥିଲା ା ଏହାପରେ ଏସ୍ପି ବ୍ରିଜେଶ କୁମାର ରଏ ଏକ ଟିମ୍ ଗଠନ କରି ଉକ୍ତ ଗାଡିକୁ ଧରିବା ପାଇଁ ଅପରେଶନ ଆରମ୍ଭ କରିଥିଲେ। ଉକ୍ତ ଦିନ ସକାଳୁ ଛତ୍ରପୁର-ଗଞ୍ଜାମ ମଧ୍ୟସ୍ଥଳ ଏକ ଢାବା ନିକଟରେ ଗାଡିକୁ ପୋଲିସର ସ୍ବତନ୍ତ୍ର ଟିମ୍ ଅଟକାଇଥିଲେ ା ଯାଞ୍ଚ ବେଳେ ବ୍ୟାଟେରି ନିଆ ଯାଉଥିବା କହୁଥିବା ବେଳେ କମ୍ ବ୍ୟାଟେରି ଗାଡିରେ ରଖି ଗଞ୍ଜେଇ ଥିବା ପୋଲିସ ଟିମ୍ ଦେଖିବାକୁ ପାଇଥିଲେ ା ଉକ୍ତ ଗାଡିରୁ ୬୧୬ କି.ଗ୍ରା. ଗଞ୍ଜେଇ ଜବତ ହୋଇଥିଲା ା ଗାଡି ଚାଳକ ସମେତ ୨ଜଣଙ୍କୁ ସେତେବେଳେ ଗିରଫ କରିବା ସହ ତାଙ୍କଠାରୁ ନଗଦ ୩୦ ହଜାର ଟଙ୍କା ପୋଲିସ ଜବତ କରିଥିଲା। ପରେ ଏମାନଙ୍କୁ କୋର୍ଟ ଚାଲାଣ କରାଯାଇଥିଲା ା ଏନେଇ ଏକ ମାମଲା (ନଂ-୫୯/୧୯) ରୁଜୁ କରି ପୋଲିସ ତଦନ୍ତ ଚଳାଇଥିଲା ା