ଫାରୁଖାବାଦ (ୟୁପି), ୩୧-୧(ଆଇଏଏନ୍ଏସ୍): ଉତ୍ତରପ୍ରଦେଶର ଫାରୁଖାବାଦରେ ଜଣେ ଅପରାଧୀ ୨୦ ଜଣ ପିଲାଙ୍କୁ ନେଇ ବନ୍ଧକ ରଖିଥିବା ଜଣାପଡିଛି। ସେ ଜନ୍ମଦିନ ପାଳନ ପାଇଁ ପିଲାମାନଙ୍କୁ ଘରକୁ ଡାକି ବନ୍ଧକ ରଖିଥିଲେ। ଫାରୁଖାବାଦର ମହମ୍ମଦାବାଦ ଅଞ୍ଚଳରେ ଗୁରୁବାର ସନ୍ଧ୍ୟାରେ ଏହି ଘଟଣା ଘଟିଛି। ପିଲାମାନଙ୍କୁ ଘରେ ତାଲା ପକାଇ ରଖିଥିବା ବ୍ୟକ୍ତିଙ୍କ ନାମ ସୁଭାଷ ବଥାମ। ତାଙ୍କ ନାଁରେ ଫୌଜଦାରି ମାମଲା ରହିଛି। ସ୍ଥାନୀୟ ଲୋକେ ଘର ଖୋଲିବାକୁ ଉଦ୍ୟମ କରିବାରୁ ସେ ଭିତରୁ ଗୁଳି ଚଳାଇବା ସହ ଝରକା ଦେଇ ଏକ ବୋମା ଫିଙ୍ଗିଥିଲେ। ଏଥିରେ ଜଣେ ଆହତ ହୋଇଛନ୍ତି। ତାଙ୍କ ବିରୋଧରେ ଭୁଲ୍ରେ ଫୌଜଦାରି ମାମଲା ରୁଜୁ ହୋଇଥିବା ସୁଭାଷ କହିଛନ୍ତି। ଘର ଭିତରୁ ପିଲାମାନଙ୍କୁ ସୁରକ୍ଷିତ ଭାବେ ଉଦ୍ଧାର କରିବା ପାଇଁ ସ୍ବତନ୍ତ୍ର ତାଲିମପ୍ରାପ୍ତ ଯବାନ ଘଟଣାସ୍ଥଳରେ ପହଞ୍ଚତ୍ଛନ୍ତି। ଏନ୍ଏସ୍ଜି କମାଣ୍ଡୋମାନଙ୍କୁ ଷ୍ଟାଣ୍ଡବାଏ ରଖାଯାଇଥିବା ପୋଲିସ ମହାନିଦ୍ଦେର୍ର୍ଶକ ଓ.ପି. ସିଂ କହିଛନ୍ତି। ଏହା ଅତ୍ୟନ୍ତ କଠିନ ପରିସ୍ଥିତି ହୋଇଥିବାରୁ ଘଟଣାସ୍ଥଳରେ ବରିଷ୍ଠ ପୋଲିସ ଅଧିକାରୀମାନେ ପହଞ୍ଚତ୍ ଅନୁଧ୍ୟାନ କରୁଛନ୍ତି। ପିଲାମାନଙ୍କୁ ନିରାପଦର ସହ ଉଦ୍ଧାର କରିବାକୁ ସର୍ବାଧିକ ପ୍ରାଥମିକତା ଦିଆଯାଉଛି। ସ୍ଥାନୀୟ ବିଧାୟକ ନଗେନ୍ଦ୍ର ସିଂ ସେଠାରେ ପହଞ୍ଚତ୍ ସୁଭାଷଙ୍କ ସହ କଥା ହେବାକୁ ଉଦ୍ୟମ କରୁଛନ୍ତି। ପୋଲିସ ମଧ୍ୟ ସୁଭାଷଙ୍କ ସମ୍ପର୍କୀୟ ଓ ଗାଁ ମୁଖିଆମାନଙ୍କୁ ଡାକିଛି।