ବେଙ୍ଗାଲୁରୁ, ୧୯।୭: କର୍ନାଟକରେ ଏବେ ଚାଲିଛି ରାଜନୈତିକ ନାଟକ। କ୍ଷମତା ପାଇଁ ଚାଲିଛି ଜୋରଦାର ଲଢେଇ। ବିଧାନସଭାରେ ଆସ୍ଥା ଭୋଟ ପୂର୍ବରୁ ଭାଜପା ସାଂସଦ ଶୋଭା କରାନ୍ଦଲଜ୍ ମହୀଶୂର ପ୍ରସିଦ୍ଧ ଚାମୁଣ୍ଡେଶ୍ୱରୀ ମନ୍ଦିରରେ ପହଞ୍ଚି ପୂଜାର୍ଚ୍ଚନା କରିଛନ୍ତି। ବିଏସ ୟେଦୁରପ୍ପା ମୁଖ୍ୟମନ୍ତ୍ରୀ ହୁଅନ୍ତୁ, ଏହି ପ୍ରାର୍ଥନା କରି ୧୦୦୧ ଶିଢି ଚଢି ମନ୍ଦିରରେ ପହଞ୍ଚିଛନ୍ତି ଶୋଭା। ସୂଚନାଯୋଗ୍ୟ, ଗତ କର୍ନାଟକ ନିର୍ବାଚନ ଭାଜପା ସର୍ବାଧିକ ଆସନ ଜିତିଥିଲା। ୟେଦୁରପ୍ପା ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ ବଧ୍ୟ ବିଧାନସଭାରେ ବହୁତ ସାବ୍ୟସ୍ତ କରିପାରି ନ ଥିଲେ। ଫଳରେ ତାଙ୍କୁ ଇସ୍ତଫା ଦେବାକୁ ପଡିଥିଲେ। ପରେ କଂଗ୍ରେସ-ଜେଡିଏସ ମେଣ୍ଟ ସରକାର ଗଠନ କରିଥିଲା।