ବାଲିଗୁଡା,୨୯ା୧୧ (ଡି.ଏନ୍.ଏ.)- କନ୍ଧମାଳ ଜିଲା ବାଲିଗୁଡାରେ ଘନ କୁହୁଡି ସହ ଶୀତ ଲହରି ଜାରି ରହିଛି। ସକାଳ ୧୦ ପଯର୍ୟନ୍ତ କୁହୁଡି ଆଚ୍ଛାଦିତ ହୋଇ ରହୁଥିବାରୁ ଜନଜୀବନ ଅସ୍ତବ୍ୟସ୍ତ କରିପକାଉଛି। ଘନକୁହୁଡି କାରଣରୁ ରାତିରେ ଗାଡି ଚଳାଚଳ ବାଧାପ୍ରାପ୍ତ ହେଉଛି। ବିଶେଷକରି ରାତ୍ରକାଳୀନ ବସ୍ ଗୁଡିକ ଗନ୍ତବ୍ୟସ୍ଥଳରେ ଠିକ୍ ସମୟରେ ପହଞ୍ଚତ୍ବାରେ ଅସୁବିଧା ହେଉଛି। କୁହୁଡି ଯୋଗୁ ଗାଡି ଲାଇଟରେ ମାତ୍ର ୨୦ରୁ୩୦ ମିଟର ପର୍ଯ୍ୟନ୍ତ ରାସ୍ତା ଦେଖାଯାଉଛି। ବିଳମ୍ବିତ ରାତିରେ ବର୍ଷା ଭଳି କାକର ପଡିବା ସହ ଶୀତ ବଢୁଛି। ପାରଦ ୧୧ଡିଗ୍ରୀ ତଳକୁ ଖସିଆସିଛି। ଆଗାମୀ ଦିନରେ ଶୀତର ପ୍ରକୋପ ଆହୁରି ବଢିବ ବୋଲି ଆଶା କରାଯାଉଛି। କୁହୁଡି ଓ ଥଣ୍ଡା ଯୋଗୁ ଲୋକେ ସକାଳ ୧୦ଟା ପୂର୍ବରୁ ଘରୁ ବାହାରିବାକୁ ମୁସ୍କିଲ ହୋଇପଡୁଛି। ରାତି ୮ଟା ହେଲେ ବଜାରଘାଟ ଶୂନ୍ଶାନ୍ ହୋଇଯାଉଛି।