ବସ୍ତା,୨୯।୮(ସ୍ବ.ପ୍ର)- ବାଲେଶ୍ୱର ଜିଲା ବସ୍ତା ଓ ଆଖ ପାଖ ଅଞ୍ଚଳରେ ବ୍ରାଉନସୁଗାର ଚୋରା କାରାବାର ଦିନକୁ ଦିନ ବ୍ୟାପକ ହେବେରେ ଲାଗିଛି। ବୁଧବାର ବସ୍ତା ପୋଲିସ ଚଢ଼ାଉ କରି ୧୦ଲକ୍ଷରୁ ଊର୍ଦ୍ଧ୍ୱ ଟଙ୍କାର ବ୍ରାଉନସୁଗାର ଜବତ କରିଛି। ଏହି ଘଟଣାରେ ଅଭିଯୁକ୍ତ ସେକ ଆଲାମଉଦ୍ଦିନ ଓରଫ ବାଙ୍ଗୁରୁ (୨୭) କୁ ଗିରଫ କରାଯାଇଛି। ବ୍ରାଉନସୁଗାର ଚୋରା କାରାବାର ଘଯଣାରେ ସମ୍ପୃକ୍ତ ଅନ୍ୟମାନଙ୍କୁ ଧରିବା ଲାଗି ଧରପଗଡ ଚାଲିଛି ବୋଲି ଏକ ଖବରଦାତା ସମ୍ମିଳନୀରେ ପୋଲିସ ପକ୍ଷରୁ ସୂଚନା ଦିଆଯାଇଛି।
ବସ୍ତା ଥାନା ଅନ୍ତର୍ଗତ ସଦାନନ୍ଦପୁର ପଞ୍ଚାୟତର ସଦାନନ୍ଦପୁର ଗ୍ରାମରେ ବ୍ରାଉନସୁଗାର ବିକ୍ରି ହେଉଥିବା ବିଶ୍ୱସ୍ତସୂତ୍ରରୁ ଖବରପାଇ ବସ୍ତା ଥାନା ଆଇଆଇସି ଧନେଶ୍ୱର ସାହୁଙ୍କ ନେତୃତ୍ୱରେ ଏକ ଟିମ୍ ସେହି ଗ୍ରାମର ସେକ ଆଲାମଉଦ୍ଦିନ ଓରଫ ବାଙ୍ଗୁରୁ (୨୭)ଙ୍କ ଘରେ ଚଢାଉ କରିଥିଲା। ମାଜିଷ୍ଟ୍ରେଟ ଭାବେ ବସ୍ତା ବିଡ଼ିଓ ଉପସ୍ଥିତ ଥିଲେ। ଏହି ଚଢ଼ାଉ ବେଳେ ତାଙ୍କ ଘରୁ ୧୦୫ ଗ୍ରାମ ଓଜନ୍ର ବ୍ରାଉନସୁଗାର ଜବତ କରାଯିବା ସହ ଅଭିଯୁକ୍ତ ଆଲାମଉଦ୍ଦିନକୁ ଗିରଫ କରାଯାଇଥିଲା। ଏ ନେଇ ପୋଲିସ ଏକ ମାମଲା (ନଂ. ୨୨୫।୧୯) ରୁଜୁ କରି ତଦନ୍ତ ଜାରି ରଖିଛି। ଗିରଫ ଅଭିଯୁକ୍ତଙ୍କୁ ଗୁରୁବାର କୋର୍ଟ ଚାଲାଣ କରାଯିବ । ଉଲ୍ଲେଖନୀୟ ଯେ, ଗତ ଡିସେମ୍ବର ୨୪ ତାରିଖରେ ସେହି ଗ୍ରାମରେ କେନ୍ଦ୍ରୀୟ ଅବକାରୀ ବିଭାଗ ଚଢ଼ାଉ କରି ୧୫୫ ଗ୍ରାମ ଓଜନ୍ର ବ୍ରାଉନସୁଗାର ଜବତ କରିଥିଲା। ଯାହାର ଆନୁମାନିକ ମୂଲ୍ୟ ୧୫ ଲକ୍ଷ ଟଙ୍କା ବୋଲି ଅନୁମାନ କରାଯାଇଥିଲା। ପଶ୍ଚିମବଙ୍ଗ ଦେଇବାଂଲଶ ଦେଶରୁ ବ୍ରାଉନସୁଗାର ଭଳି ମାରାତ୍ମକ ନିଶାଦ୍ରବ୍ୟ ବାଲେଶ୍ୱରକୁ ଅଣାଯାଇ ଏଠାରୁ ବିଭିନ୍ନ ସ୍ଥାନକୁ ଚାଲାଣ କରାଯାଉଥିବା ଜଣାପଡିଛି। ହେଲେ ଏହି ଚୋରା ଚାଲାଣର ଅସଲ ସୌଦାଗରଙ୍କୁ ପୋଲିସ କିମ୍ବା ଅବକାରୀ ବିଭାଗ ଧରି ପାରୁ ନାହିଁ ା କାଁଁ ଭାଁ ଚଢାଉରେ ପୋଲିସକୁ ସଫଳତା ମିଳୁଥିଲେ ମଧ୍ୟ ଏହାର କାରବାରକୁ ରୋକାଯାଇ ପାରୁ ନାହିଁ ା
