ନୂଆଦିଲ୍ଲୀ,୧୮।୬: ଦେଶରେ ତେଲ ଦର କ୍ରମାଗତ ଭାବରେ ୧୧ ଦିନ ହେଲା ବୃଦ୍ଧି ପାଉଛି। ଜୁନ ୭ ରୁ ୧୭ ମଧ୍ୟରେ ଘରୋଇ ବଜାରରେ ତେଲ ଦର ପେଟ୍ରୋଲ ଉପରେ ୬.୦୨ଟଙ୍କା ଏବଂ ଡ଼ିଜେଲ ୬.୪୯ ଟଙ୍କା ବୃଦ୍ଧି ହୋଇଥିବା ଜଣାପଡିଛି। ପ୍ରମୁଖ ତୈଳ ବିପଣନ କମ୍ପାନୀଗୁଡିକର ସୂଚନା ଅନୁସାରେ, ବୁଧବାର ପେଟ୍ରୋଲ ଲିଟର ପିଛା ୫୫ ପଇସା ଏବଂ ଡ଼ିଜେଲ ୬୯ ପଇସା ବଢିଛି। ଫଳରେ ବୁଧବାର ପେଟ୍ରୋଲ ଦର ୭୬.୭୩ ଟଙ୍କାରୁ ବୃଦ୍ଧି ପାଇ ୭୭.୨୮ଟଙ୍କା ଏବଂ ଡ଼ିଜେଲ ଦର ୭୫.୧୯ଟଙ୍କାରୁ ବୃଦ୍ଧି ପାଇ ୭୫.୭୮ ଟଙ୍କାରେ ପହଞ୍ଚତ୍ଛି। ଏହି ଦର ବୃଦ୍ଧି ପଛରେ କେନ୍ଦ୍ର ଓ ବିଭିନ୍ନ ରାଜ୍ୟର ରାଜ୍ୟ ସରକାର ଲାଗୁ କରୁଥିବା ଉଚ୍ଚ ପରିମାଣର ଟିକସ ଓ ଭାଟ୍ ଦାୟୀ ରହିଛି। ରାଜ୍ୟସରକାରଙ୍କ ଭାଟ୍ କାରଣରୁ ବିଭିନ୍ନ ରାଜ୍ୟରେ ତେଲ ଦର ଭିନ୍ନ ରହୁଛି। ବିଗତ ୧୨ ସପ୍ତାହ ପରେ ଦେଶର ତେଲ ଦର ପୁଣି ଥରେ ବୃଦ୍ଧି କରାଯାଇଥିବା ବିଭିନ୍ନ ତୈଳ ବିପଣନ କମ୍ପାନୀ ଗୁଡିକ ପକ୍ଷରୁ ସୂଚନା ଦିଆଯାଇଛି।
