ଶେରଗଡ଼,୬ା୪(ଡି.ଏନ୍.ଏ.)- ଶେରଗଡ଼ ବ୍ଲକକୁ ଗତ ୨୨ ତାରିଖ ପୂର୍ବରୁ ରାଜ୍ୟ ବାହାରୁରୁ ୧୧୬୧ ଜଣ ବ୍ୟକ୍ତି ଫେରିଥିଲେ। ବ୍ଲକ ପ୍ରଶାସନ ଜାଣିବା ପରେ ଗ୍ରାମପଞ୍ଚାୟତ ନୋଡାଲ ଅଧିକାରୀ ଓ ପଞ୍ଚାୟତ ଗ୍ରାମ ସେବକ, ସରପଞ୍ଚଙ୍କ ଜରିଆରେ ସମସ୍ତ ୧୧୬୧ଜଣଙ୍କୁ ନିଜ ଘରେ ଆଇସୋଲେଶନରେ ରଖିବାକୁ ସେମାନଙ୍କ ପରିବାରଙ୍କୁ ନିବେଦନ କରାଯାଇଥିଲା। ତାଙ୍କ ଘର ଆଗରେ ଏକ ପୋଷ୍ଟର ମଧ୍ୟ ଲଗାଯାଇଥିଲା। ସୋମବାର ସେମାନଙ୍କ ୧୪ଦିନ ପୁରିଥିବା ପ୍ରଶାସନ ପକ୍ଷରୁ କୁହାଯାଇଛି। ଲକ୍ଡାଉନ୍ କଟକଣା ଥିବାରୁ ଏହାକୁ ମାନିବା ସହ ସାମାଜିକ ଦୂରତ୍ୱ ରଖିବା ଜରୁରୀ ବୋଲି ସେମାନଙ୍କୁ କୁହାଯାଇଥିବା ବିଡିଓ ସୁରଞ୍ଜନ କୁମାର ସାହୁ ସୂଚନା ଦେଇଛନ୍ତି।
