ଭୋଗରାଇ,୧୦ା୫(ଡି.ଏନ୍.ଏ.): ବାଲେଶ୍ୱର ଜିଲା ଭୋଗରାଇ ବ୍ଲକରେ ରବିବାର ଏକା ଥରକେ ୧୧ କ୍ୱାରାଣ୍ଟାଇନ୍ ସେଣ୍ଟରରୁ ୧୫ ଜଣ କରୋନା ପଜିଟିଭ୍ ଚି଼ହ୍ନଟ ହୋଇଛନ୍ତି। ଏନେଇ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି। ଏହି ୧୫ ଜଣଙ୍କ ମଧ୍ୟରୁ ୧୧ ଜଣ କୋଲକାତା ଫେରନ୍ତା, ୩ ଜଣ କେରଳ ଏବଂ ଜଣେ ବାଙ୍ଗାଲୋରରୁ ଆସି ଭୋଗରାଇର ବିଭିନ୍ନ କ୍ୱାରାଣ୍ଟାଇନ୍ ସେଣ୍ଟରରେ ଥିଲେ। ଏଥି ମଧ୍ୟରୁ ୩ ମହିଳା ଥିବାବେଳ ୧୨ ପୁରୁଷ ସଂକ୍ରମିତ ହୋଇଛନ୍ତି। ସମସ୍ତଙ୍କର ବୟସ ୫୦ରୁ କମ୍ ରହିଛି। ବାଲେଶ୍ୱର ଉପଜିଲାପାଳଙ୍କ ସହିତ ବାଲେଶ୍ୱର କୋଭିଡ୍-୧୯ର ଏକ ଡାକ୍ତରୀ ଦଳ ଘଟଣାସ୍ଥଳରେ ପହଞ୍ଚି କ୍ୱାରାଣ୍ଟାଇନ୍ ସେଣ୍ଟରରୁ ୧୫ ଆକ୍ରାନ୍ତଙ୍କୁ କୋଭିଡ୍ ହସ୍ପିଟାଲକୁ ନିଆଯାଇଛି l ଓଡ଼ିଶାର ସର୍ବବୃହତ ବ୍ଲକ ଭୋଗରାଇରେ କରୋନା ପଜିଟିଭ୍ ଚି଼ହ୍ନଟ ପରେ ସୀମାନ୍ତ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି।