ନୂଆଦିଲ୍ଲୀ, ୨୫ା୮(ପି.ଟି.): ଦେଶର ବିଭିନ୍ନ ରାଜ୍ୟରେ ବନ୍ୟା ବିତ୍ପାତ ଦେଖାଦେବା ପରେ ଏହାର ସ୍ଥିତି ଅନୁଧ୍ୟାନ କରିବା ଲାଗି ଏକ କେନ୍ଦ୍ରୀୟ ଟିମ୍ ୧୧ ରାଜ୍ୟ ଗସ୍ତ କରିବେ। ଏହି କେନ୍ଦ୍ରୀୟ ଟିମ୍ରେ ସ୍ବରାଷ୍ଟ୍ର, ଅର୍ଥ, କୃଷି, ଓ ଶକ୍ତି ମନ୍ତ୍ରଣାଳୟର ପ୍ରତିନିଧୀମାନେ ରହିବେ। ଏହି ଟିମ୍ ପ୍ରପୀଡ଼ିତ ଅଞ୍ଚଳର କ୍ଷୟକ୍ଷତି, ରିଲିଫ କାର୍ଯ୍ୟର ତଦାରଖ କରିବେ। ଏନେଇ ସ୍ବରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ଏଭ ବିବୃତିରେ କୁହାଯାଇଛି। ସ୍ବରାଷ୍ଟ୍ର ମନ୍ତ୍ରଣାଳୟର ଯୁଗ୍ମ ସଚିବ ପ୍ରକାଶଙ୍କ ନେତୃତ୍ୱରେ ଶନିବାର କର୍ନାଟକ ଗସ୍ତ କରିବାର କାର୍ଯ୍ୟକ୍ରମ ରହିଛି। ଏହା ପରେ କେନ୍ଦ୍ରୀୟ ଟିମ୍ ଆସାମ, ମେଘାଳୟ, ତ୍ରିପୁରା, ବିହାର, ଉତ୍ତରାଖଣ୍ଡ, ହିମାଚଳ ପ୍ରଦେଶ, ଗୁଜରାଟ, ରାଜସ୍ଥାନ, ମହାରାଷ୍ଟ୍ର ଓ କେରଳ ବନ୍ୟାକ୍ଲିଷ୍ଟ ଅଞ୍ଚଳ ପରିଦର୍ଶନ କରିବେ। ଏହି ରାଜ୍ୟଗୁଡ଼ିକ ବନ୍ୟା କ୍ଷୟକ୍ଷତି ରିପୋର୍ଟ ଦେବା ପରେ ପୁଣି ଥରେ କେନ୍ଦ୍ରୀୟ ଟିମ୍ ଉକ୍ତ ରାଜ୍ୟଗୁଡ଼ିକୁ ଯିବ। ଏହି ଟିମ୍ରେ ସଡ଼କ, ପରିବହନ, ଗ୍ରାମୀଣ ବିକାଶ, କୃଷି, ଅର୍ଥ, ସ୍ବରାଷ୍ଟ୍ର, ଜଳଶକ୍ତି ମନ୍ତ୍ରଣାଳୟର ଅଧିକାରୀମାନେ ରହିବେ। ସ୍ବରାଷ୍ଟ୍ରମନ୍ତ୍ରୀ ଅମିତ୍ ଶାହାଙ୍କ ଅଧ୍ୟକ୍ଷତାରେ ବସିଥିବା ଏକ ଉଚ୍ଚସ୍ତରୀୟ ବୈଠକରେ ଏଭଳି ନିଷ୍ପତ୍ତି ଗ୍ରହଣ କରାଯାଇଥିବାବେଳେ କ୍ଷୟକ୍ଷତି ଭରଣା ପରେ ପୁନଃବିକାଶ କାର୍ଯ୍ୟ ହାତକୁ ନିଆଯିବ ବୋଲି ଜଣାପଡ଼ିଛି।